10.06.2026 | 23:29
Հունիսի 7-ին կայացած ԱԺ ընտրությունները աննախադեպ էին. «Նոր ուժ»-ի հայտարարությունը
Արցախը որոշիչ ձայն և ներգրավվածություն պետք է ունենա ԼՂ կարգավորման գործընթացում. ԱԳՆ խոսնակ. ՏԵՍԱՆՅՈՒԹ
Քաղաքականություն
05.02.2019 | 12:58
Արցախի կարգավիճակն ու անվտանգությունը գերակա նշանակություն ունեն մեզ համար, Արցախը որոշիչ ձայն և ներգրավվածություն պետք է ունենա հակամարտության իրական և տևական կարգավորման գործընթացում: Փետրվարի 5-ին տեղի ունեցած ճեպազրույցում այս մասին ասաց ՀՀ ԱԳՆ խոսնակ Աննա Նաղդալյանը:
«Սա այն սկզբունքային դիրքորոշումն է, որը ներկայացվել է և՛ համանախագահներին, և՛ ադրբեջանական կողմին»,- հավելեց նա:
Աննա Նաղդալյանը հիշեցրեց, որ ԱԳ նախարար Զոհրաբ Մնացականյանը նախօրեին Ազգային ժողովում լրագրողների հետ զրույցում անդրադարձել է հարցին՝ նշելով, որ Հայաստանն Արցախի անվտանգության երաշխավորն է և իր մասով մասնակցում է բանակցային գործընթացին:
«Հայաստանը բազմիցս է ներկայացրել կարգավորման գործընթացում իր մոտեցումները՝ բացարձակապես խաղաղ, բացարձակապես Մինսկի խմբի համանախագահների հովանու ներքո: Արցախի կարգավիճակն ու անվտանգության ապահովումը գերակա առաջնահերթություններ են Հայաստանի համար: Բանակցությունների արդյունավետության բարձրացման համար էական նշանակություն ունի խաղաղությանը նպաստող մթնոլորտի ապահովումը, այդ թվում՝ վստահության և անվտանգության մեխանիզմների ամրապնդման միջոցով»,- ասաց ԱԳՆ խոսնակը:
Մանրամասները՝ տեսանյութում
