25.06.2026 | 22:19
«45 օր՝ առանց սննդի․ առողջական վիճակը ծայրահեղ է գնահատվում»․ ինչու են բանտերում կալանավորները հացադուլի դիմում
Օրենքն արգելում է, որ մասնակցեմ ընտրություններին. Սամվել Բաբայան
Քաղաքականություն
05.02.2019 | 11:41
Մամուլում պարբերաբար գրում են Արցախի պաշտպանության բանակի նախկին հրամանատար Սամվել Բաբայանի՝ 2020 թվականին Արցախի Հանրապետության նախագահի ընտրություններին մասնակցելու հավանականության մասին: Factor.am-ի հետ զրույցում Սամվել Բաբայանն ասաց՝ օրենքն արգելում է, որ ինքը մասնակցի ընտրություններին:
Նա նշեց, որ այդ մասին ինքը պարբերաբար ասում է, բայց մամուլում շարունակում են գրել ընտրություններին իր մասնակցության մասին: «Դեռևս միայն այդքանը կասեմ»,- հավելեց ԼՂՀ ՊԲ նախկին հրամանատարը:
Հարցին, թե չառաջադրվելու դեպքում հնարավո՞ր է՝ աջակցի այլ թեկնածուի, Սամվել Բաբայանը պատասխանեց. «Դա թողնենք հետո, դեռ մի տարուց ավելի ժամանակ կա»: Նշենք, որ Բաբայանի առաջադրմանը խանգարում է այն, որ նա վերջին 10 տարում Արցախում մշտապես չի բնակվել. նախ Ռուսաստանի Դաշնություն էր, հետո՝ անազատության մեջ:
Հիշեցնենք, որ 2018 թվականի հունիսի 15-ին ՀՀ վճռաբեկ դատարանը բեկանեց Վերաքննիչ դատարանի՝ Սամվել Բաբայանի և մյուսների գործով ընդհանուր իրավասության դատարանի վճիռը անփոփոխ թողնելու մասին որոշումը՝ գործը ուղարկելով նոր քննության: Վճռաբեկը որոշեց նաև փոխել Բաբայանի խափանման միջոց կալանավորումը և ԱԺ պատգամավորների երաշխավորությամբ ազատ արձակել: Սամվել Բաբայանը կալանավորված էր հայտնի «Իգլայի» գործով:
Լիլիթ Շաբոյան
