13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
Տավուշի մարզի Խաշթառակ գյուղի 570 ընտանիք արևային ջրատաքացուցիչ կստանա
Հասարակություն
08.08.2017 | 13:55
«Հայաստան» համահայկական հիմնադրամի Ֆրանսիայի տեղական մարմնի և «Արփի Սոլար» ընկերության համագործակցության շնորհիվ Տավուշի մարզի Խաշթառակ գյուղի 570 ընտանիքներ արևային ջրատաքացուցիչներ կստանան:
Ինչպես տեղեկացրին «Հայաստան» համահայկական հիմնադրամից, Խաշթառակի գյուղապետ Անդրանիկ Վիրաբյանը ծրագրի մասին խոսելիս ասել է․ «Տավուշում արև շատ կա, և հիանալի է, որ մենք շուտով կկարողանանք լիարժեք օգտվել դրանից։ Օգտվելով բնության մեկ բարիքից՝ արևից, մենք կդադարենք վնասել բնության մյուս բարիքին՝ ծառին։ Խաշթառակցին այլևս ստիպված չի լինի փայտով կրակ վառել և ջուր տաքացնել»։
Խաշթառակն արևային ջրատաքացուցիչ կայաններ կստանա «Հայաստան» համահայկական հիմնադրամի Ֆրանսիայի տեղական մարմնի կողմից Ֆրանսիայում իրականացված crowdfunding տիպի դրամահավաքի միջոցով։ Ֆրանսիայի՝ տարբեր ազգություններ ներկայացնող բնակիչները հայկական գյուղի էներգետիկ ծրագրի համար 70 000 եվրո գումար են նվիրաբերել։
