15.10.2026 | 12:34
Խնդիր եմ դրել՝ մինչև 2031թ․ վավերացնել խաղաղության պայմանագիրը. Փաշինյան․ ՏԵՍԱՆՅՈՒԹ
Վենեսուելայում զինվորականները ներխուժել են խորհրդարանի շենք
Քաղաքականություն
08.08.2017 | 13:25
Վենեսուելայի կառավարական պաշտոնյաներն ազգային գվարդիայի զինվորականների ուղեկցությամբ ներխուժել են Վենեսուելայի ընդդիմադիր Ազգային ժողովի պալատ: Այդ մասին հայտնում է երկրի խորհրդարանի կայքը, փոխանցում է ria.ru-ն:
«Նիստն ավարտվելուց հետո պաշտոնյաներ Դելսի Ռոդրիգեսը, Դարիո Վիվասը և Ֆիդել Վասկեսը գնդապետ Բլադիմիր Լուգոյի գլխավորած ազգային գվարդիայի սպաների խոշոր խմբի ուղեկցությամբ ներխուժել են Ազգային ժողովի պալատ, կոտրել դռներն ու հարձակվել արձանագրությունների սրահի վրա»,- ասված է ժողովի կայքում:
Հիշեցնենք, որ Վենեսուելայի սահմանադրական ժողովի ընտրությունները կայացել են հուլիսի 30-ին: Այն ուղեկցվել է բախումներով, որոնց ընթացքում ավելի քան տասը մարդ է զոհվել:
Սահմանադրական ժողովը կստանա Սահմանադրությունը փոխելու և նախագահ Նիկոլաս Մադուրոյի հակառակորդների հսկողության տակ գտնվող Ազգային ժողովը ցրելու լիազորություն: Ընդդիմությունը հայտարարել է, որ չի ճանաչում ընտրությունների արդյունքները և բողոքի նոր ակցիաների կոչ է անում:
