09.03.2026 | 13:15
Բելգիայի Լիեժ քաղաքում սինագոգի մոտ պայթյուն է տեղի ունեցել
Դանակի սպառնալիքի տակ գումար ու ոսկյա զարդեր է պահանջել. Ոստիկանները բացահայտել են Արարատում կատարված ավազակային հարձակումը. ՏԵՍԱՆՅՈՒԹ
Հասարակություն
25.01.2019 | 11:51
Հունվարի 25-ի գիշերը ոստիկանության Արարատի բաժնում տեղեկություններ են ստացվել, որ հունվարի 24-ին, ժամը 22-00-ի սահմաններում Արարատ քաղաքի Զոդի Բանավանի Արարատյան փողոցի շենքերից մեկում ավազակային հարձակում է կատարվել: Դիմակավորված տղամարդը թակել է բնակարաններից մեկի դուռը, և երբ տանտիրուհին բացել է, դանակի սպառնալիքի տակ պահանջել է գումար ու ոսկյա զարդեր։ Կինը դիմադրել է, օգնություն կանչել, ինչից հետո տղամարդը դիմել է փախուստի։
Ոստիկանության Արարատի բաժնի ծառայողները, ստացված տեղեկություններն իրացնելով, պարզել են, որ դիմակավորը Արարատի բնակիչ Դավիթ Գասպարյանն է:
Հունվարի 25-ի առավոտյան կասկածյալն իր բնակության վայրից բերման է ենթարկվել ոստիկանության Արարատի բաժին։
Կատարվում է քննություն:
