09.08.2026 | 00:05
Էդգար Սևիկյանը խաղացել է Մադրիդի «Ռեալի» դեմ. ՏԵՍԱՆՅՈՒԹ
Ալիևը կանխատեսելի է և վտանգավոր չէ Հայաստանի համար. Ալեքսանդր Լապշին. ՏԵՍԱՆՅՈՒԹ
Քաղաքականություն
22.01.2019 | 13:46
Բլոգեր Ալեքսանդր Լապշինը կարծում է, որ Ադրբեջանն արդեն հոգնել է Ալիևների և Փաշաևների իշխանությունից: «Դա կապ չունի Հայաստանի հետ: Պարզապես, չնայած նավթից ստացվող հսկայական եկամուտներին, երկրի բնակչության կենսամակարդակը շատ ավելի վատն է, քան, ասենք, Հայաստանում: Պետք չէ թերագնահատել ադրբեջանցի ժողովրդին: Չնայած նրանք ապրում են բռնապետությունում, բայց այնտեղ բազմաթիվ մտավորականներ կան, որոնք ուզում են ազատ երկրում ապրել»,- պարզաբանեց բլոգերը:
Նա կարծում է, որ առաջիկայում հարևան երկրում անպայման ինչ-որ բան տեղի կունենա, բայց արդյո՞ք դա ձեռնտու կլինի Հայաստանին: «Պարադոքսալ իրավիճակ է ստեղծվում: Մի կողմից, կարծում եմ, առաջիկա տարիների ընթացքում այնտեղ ինչ-որ բան տեղի կունենա, մյուս կողմից՝ արդյո՞ք դա Հայաստանի շահերից կբխի, մեծ հարց է: Որովհետև ինչպիսին էլ լինի Ալիևը, նա կանխատեսելի է և վտանգավոր չէ Հայաստանի համար: Նա կարող է վտանգավոր լինել ինձ համար, բայց նա վտանգավոր չէ Հայաստանի համար և հարմար է Ռուսաստանին»,- հավելեց Ալեքսանդր Լապշինը:
Նրա կարծիքով՝ ովքեր էլ գան փոխարինելու Ալիևի կլանին՝ մրցակից կլանները կամ ընդդիմությունը, «ավելի շատ ժողովրդի շահերի համար կաշխատեն, քան կլանի»:
Մանրամասները՝ տեսանյութում:
