28.09.2026 | 18:28
9 անշարժ գույք և 8.5 մլն դրամ եկամուտ․ ինչ է հայտարարագրել Իջևանի ՏԻՄ ընտրություններում ՔՊ-ի ցուցակը գլխավորող համայնքապետը
Դավիթ Մանուկյանը չմեկնաբանեց հոր հասցեին հնչեցված քննադատությունը. ՏԵՍԱՆՅՈՒԹ
Քաղաքականություն
16.01.2019 | 10:42
Ազգային ժողովի «Լուսավոր Հայաստան» խմբակցության պատգամավոր Արման Բաբաջանյանն այսօր քննադատական ելույթ ունեցավ ՀՀ դեսպանների վերաբերյալ՝ մասնավորապես անդրադարձավ Ուկրաինայում Հայաստանի Հանրապետության նախկին դեսպան Անդրանիկ Մանուկյանի աշխատանքին, ասելով, թե նա դեսպանատունը ծառայեցրել է Ռուսաստանի Դաշնության շահերին։ Այս հայտարարությունը զայրացրեց ԲՀԿ֊ական պատգամավոր Դավիթ Մանուկյանին, որը «կարճ կապի» բղավելով, լքեց դահլիճը՝ «շրխկացնելով» դուռը։
Նշենք, որ Ուկրաինայում Հայաստանի դեսպանը մինչև վերջերս Անդրանիկ Մանուկյանն էր, որի որդին է Դավիթ Մանուկյանը։
Ի դեպ, դահլիճը լքած Դավիթ Մանուկյանի հետևից դուրս շտապեցին կուսակցական ընկերներից որոշները՝ Սերգեյ Բագրատյան, Արման Աբովյան, Իվետա Տոնոյան։
Դահլիճը լքած Դավիթ Մանուկյանը լրագրողների հետ զրույցում չմեկնաբանեց հոր հասցեին հնչեցված քննադատությունը։
