22.04.2026 | 23:30
ՀՀ տարածքում ավտոճանապարհները հիմնականում անցանելի են
Շտապօգնության բրիգադներն ավելացել են. տոնական օրերին կաշխատեն արտակարգ ռեժիմով
Հասարակություն
28.12.2018 | 16:14
Տոնական օրերին Երևանի շտապօգնությունը կաշխատի արտակարգ ռեժիմով: Այս մասին այսօր հրավիրված մամուլի ասուլիսի ժամանակ ասաց «Շտապբուժօգնության» ՓԲԸ տնօրեն Թագուհի Ստեփանյանը՝ հորդորելով քաղաքացիներին ամենաանհրաժեշտ դեպքում օգտվել ծառայությունից:
Վերջինիս խոսքով՝ այդ օրերին, թեև երբեմն լինում են պիկ ժամեր, երբ ֆիզիկապես հնարավոր չի լինում բոլորին արագ սպասարկել, սակայն ցանկացած խնդրի դեպքում խորհուրդ տվեց դիմել մասնագետի:
Ստեփանյանը նաև տեղեկացրեց, որ շտապօգնության բրիգադների քանակն ավելացել է. «Բրիգադներն ավելացել են և այս պահի դրությամբ շտապօգնությունում աշխատում է 36 բրիգադ»:
Անդրադառնալով ամանորյա տոներին թունավորումների դեպքերին՝ Թագուհի Ստեփանյանը նշեց, թեև վերջին ժամանակներում թունավորման դեպքերի նվազում է նկատվում, սակայն խորհուրդ տվեց չուտել երկար պահված սնունդ:
Ասուլիսին մասնակից առողջապահության վարչության գլխավոր մասնագետ, պոլիկլինիկաների հարցերի համակարգող Անահիտ Չարխիֆալակյանն էլ տեղեկացրեց, որ դեկտեմբերի 29-ից հունվարի 7-ն ընկած ժամանակահատվածում Երևանի քաղաքապետարանի ենթակայությամբ գործող բուժհիմնարկներում կիրականացվի հերթապահություն:
«Հերթապահությունները կիրականացվեն առավոտյան ժամը 11:00-15:00-ն ընկած ժամանակահատվածում, պոլիկլինիկաներում թերապևտների և մանկաբույժների կողմից»,- ասաց նա:
