10.10.2026 | 12:57
Նավթի գներն աճել են
ՀԱՊԿ խոսնակը պարզաբանել է կազմակերպության նոր գլխավոր քարտուղարի թեկնածության համաձայնեցման կարգը
Քաղաքականություն
25.12.2018 | 17:12
ՀԱՊԿ գլխավոր քարտուղարի պաշտոնում Բելառուսի ներկայացուցիչ Ալեքսանդր Զասի թեկնածության համաձայնեցումը կազմակերպվել է կազմակերպության անդամ պետությունների հետ նրա անձնական հանդիպման ճանապարհով: ԲԵԼՏԱ-ի փոխանցմամբ՝ այս մասին հայտարարել է ՀԱՊԿ մամուլի քարտուղար Վլադիմիր Զայնետդինովը՝ մեկնաբանելով գլխավոր քարտուղարի նշանակման հետ կապված լրատվամիջոցներում հրապարակվող տարատեսակ տեղեկությունները:
«Դեկտեմբերի 12-20-ն ընկած ժամանակահատվածում նման հանդիպումներ են կայացել Ղրղզստանի, Ղազախստանի, Տաջիկստանի, Բելառուսի և Ռուսաստանի նախագահների հետ: Հանդիպումների ընթացքում պետությունների ղեկավարները սատարել են Ստանիսլավ Զասի թեկնածությունը: Հայաստանի վարչապետի պաշտոնակատարի հետ հանդիպումը հետաձգվել է»,- պարզաբանել է ՀԱՊԿ խոսնակը:
Նա նաև հավելել է, որ հիմա պետությունների ղեկավարներն «անհատական կարգով ստորագրում են նշանակման մասին որոշումը»:
Հավելենք, որ Ստանիսլավ Զասին ՀԱՊԿ գլխավոր քարտուղարի պաշտոնում նշանակելու մասին որոշման նախագիծն արդեն ստորագրել են Բելառուսի և Տաջիկստանի նախագահները:
