20.04.2026 | 13:10
Իսրայելի ԱԳ նախարարը Լիբանանում իսրայելցի զինվորի կողմից Քրիստոսի արձանի վնասումն «ամոթալի» է անվանել
«Բաքուն պատրաստ է ապահովել Ղարաբաղի հայերի անվտանգությունն ու նրանց բարձր մակարդակով ինքնավարություն տալ». Մամեդյարով
Քաղաքականություն
25.12.2018 | 14:07
Բաքուն պատրաստ է ապահովել Լեռնային Ղարաբաղի հայ բնակչության անվտանգությունն ու նրանց բարձր մակարդակով ինքնավարություն տալ: «Ինտերֆաքս»-ի հետ զրույցում այս մասին հայտարարել է Ադրբեջանի ԱԳ նախարար Էլմար Մամեդյարովը:
«Մեր երկիրն ինչպես ապահովում է սեփական քաղաքացիներին՝ այլ էթնիկ խմբերի ներկայացուցիչներին, պատրաստ է նմանապես, իր միջազգային պարտավորություններին համապատասխան, դա անել նաև Լեռնային Ղարաբաղի հայ քաղաքացիների համար»,- ասել է Մամեդյարովը:
Նա նաև հավելել է, որ Բաքուն պատրաստ է ԼՂ-ի հայ բնակչությանը «բարձր մակարդակով ինքնավարության իրավունք տալ՝ Ադրբեջանի՝ միջազգայնորեն ճանաչված սահմանների շրջանակում»:
«Լեռնային Ղարաբաղի ադրբեջանական համայնքը պատրաստ է վերադառնալ հայրենի օջախներ»,- հայտարարել է ադրբեջանցի պաշտոնյան՝ նշելով, որ նախկինում կապ կար Լեռնային Ղարաբաղի ադրբեջանական և հայ համայնքների միջև, սակայն «Հայաստանի նախկին ղեկավարության գործողությունների արդյունքում այդ կապերը խզվել են»:
«Հակամարտության կարգավորումից հետո այդ երկու համայնքները, իհարկե, միասին են ապրելու: Հենց այդ պատճառով կարևոր է վերականգնել Լեռնային Ղարաբաղի ադրբեջանական և հայ համայնքների միջև կապերը»,- հայտարարել է Մամեդյարովը:
