18.10.2026 | 20:17
«Մեր նպատակը նոր խոստումներ տալը չէ, այլ ստանձնած պարտավորությունները կատարելը»․ Մաթևոսյան․ ՏԵՍԱՆՅՈւԹ
ՀԱՊԿ գլխավոր քարտուղարի նշանակման որոշումը պետք է ստորագրվի կազմակերպության անդամ բոլոր պետությունների կողմից. մեկնաբանություն
Քաղաքականություն
21.12.2018 | 17:50
ՀԱՊԿ նոր գլխավոր քարտուղարի նշանակման ժամկետները հստակեցված չեն, այդ փաստաթուղթը պետք է ստորագրեն կազմակերպության անդամ բոլոր երկրների ղեկավարները: ՌԻԱ Նովոստիին այս մասին ասել է ՀԱՊԿ քարտուղարության խոսնակ Վլադիմիր Զայնետդինովը:
«Այդ որոշումը պետք է ստորագրվի ՀԱՊԿ անդամ վեց պետությունների ղեկավարների կողմից: Գլխավոր քարտուղարը նշանակվում է կոնսենսուսով, պետությունների վեց ղեկավարների կողմից»,- ընդգծել է խոսնակը:
Նրա խոսքով՝ ՀԱՊԿ քարտուղարությունը դեռևս տեղեկություն չունի, արդյո՞ք, Բելառուսի նախագայից բացի, որևէ պետության ղեկավար ևս ստորագրել է այն:
Ավելի վաղ տեղեկացրել էինք, որ Ալեքսանդր Լուկաշենկոն ստորագրել է Բելառուսի Անվտանգության խորհրդի քարտուղար Ստանիսլավ Զասին ՀԱՊԿ գլխավոր քարտուղարի պաշտոնում նշանակելու վերաբերյալ որոշման նախագիծը:
Մինչ այդ, Ալեքսանդր Զասը հանդիպել է կազմակերպության անդամ երկրների ղեկավարների հետ՝ Հայաստանից բացի: Զասը լրագրողներին ասել է, որ պատրաստ է Հայաստանի վարչապետի համար ցանկացած հարմար պահի հանդիպել նրա, ՀՀ արտաքին գործերի և պաշտպանության նախարարների հետ:
ՀՀ վարչապետի պաշտոնակատար Նիկոլ Փաշինյանի խոսնակ Արման Եղոյանը, սակայն, Factor.am-ի հետ զրույցում ասել է, որ եթե «Զասն այցելել է ՀԱՊԿ անդամ մյուս պետություններ, իսկ Հայաստան՝ ոչ, նշանակում է՝ դրա անհրաժեշտությունը չկա»:
