13.06.2026 | 00:58
ԱԱ-2026․ Կանադան խուսափեց պարտությունից Բոսնիա և Հերցեգովինայի դեմ խաղում․ ՏԵՍԱՆՅՈՒԹ
Պետությունը պետք է վերափոխվի, մոտենում ենք մի նոր սահմանագծի․ Բագրատ Ասատրյան․ ՏԵՍԱՆՅՈՒԹ
Տնտեսություն
21.12.2018 | 17:39
Տնտեսագետ Բագրատ Ասատրյանի համոզմամբ՝ վերջին տասնամյակը նահանջների, կորուստների տասնամյակ էր բոլոր առումներով՝ տնտեսական, սոցիալական, ռազմաքաղաքական և այլն, իսկ 2018 թվականը մտնելու է պատմության մեջ որպես հույսի, հասարակության արթնացման տարի։
«Եվ այս հենքի վրա տնտեսության մեջ ինչ-որ գործընթացներ տեղի ունեցան՝ սպասվածի շրջանակներում. 5,5-6 տոկոս աճ ակնկալելը տնտեսական շատ լավ ցուցանիշ է, քանի որ տնտեսության մեջ որոշակի կառուցվածքային տեղաշարժեր են տեղի ունենում»,- այսօր հրավիրված «Տնտեսություն. ընթացիկ վիճակը և տնտեսական հեղափոխության հեռանկարը» թեմայով քննարկման ժամանակ ասաց տնտեսագետը։
Խոսլելով տնտեսական ցուցանիշների մասին՝ վերջինս նշեց, թեև կա տնտեսական աճ, սակայն ունենք արդյունաբերության աճի տեմպերի նվազում, ինչը պայմանավորված է հանքարդյունաբերության ոլորտով։
Բագրատ Ասատրյանը նշեց նաև, որ բնական է համարում, որ մեծ ակնկալիքներ պետք չէր ունենալ. «Սակայն կառուցվածքային փոփոխությունները պետք է ինստիտուցիոնալ տեսք ստանան, հակառակ դեպքում՝ այն բացասական երևույթները, որ ունեցել ենք, կվերականգնվեն: Պետությունը պետք է վերափոխվի: Մոտենում ենք մի նոր սահմանագծի»:
Մանրամասները՝ տեսանյութում։
