03.08.2026 | 23:30
Տաթև-Լծեն ավտոճանապարհին բեռնատարը դուրս է եկել երթևեկելի հատվածից և բախվել հողաթմբին
Սոցփաթեթի շրջանակը գործադիրն ընդլայնում է․ 15․000 բուժաշխատող ևս արտոնյալ պայմաններով բուժօգնություն կստանա․ ՏԵՍԱՆՅՈՒԹ
Հասարակություն
20.12.2018 | 12:16
Գործադիրը դեկտեմբերի 20-ի նիստում ընդունեց որոշման նախագիծ, որով առաջարկվում է «Հայաստանի Հանրապետության կառավարության 2014 թվականի մարտի 27-ի N 375-Ն որոշման մեջ կատարել փոփոխություններ:
Մասնավորապես առաջարկվում է վերանայել ծրագրի շրջանակներում բժշկական օգնություն և սպասարկում ստացող շահառուների ցանկը՝ այդ ցանկում սոցիալական փաթեթի շահառուներից բացի ներառել և առողջապահական փաթեթներ ձեռք բերել.
մարզերում`
պետության կողմից երաշխավորված անվճար և արտոնյալ պայմաններով միայն ամբուլատոր-պոլիկլինիկական բժշկական օգնություն իրականացնող բոլոր կազմակերպությունների աշխատողների համար,
50 տոկոս և ավելի պետության բաժնեմաս ունեցող բժշկական կենտրոններում հիվանդանոցային բժշկական օգնություն իրականացնող բոլոր աշխատողների համար,
Երևան քաղաքում`
պետության կողմից երաշխավորված անվճար և արտոնյալ պայմաններով միայն ամբուլատոր-պոլիկլինիկական բժշկական օգնություն մատուցող կազմակերպությունների բոլոր աշխատողների համար,
50 տոկոս և ավելի պետության բաժնեմաս ունեցող հիվանդանոցային և արտահիվանդանոցային ծառայություններ իրականացնող կազմակերպությունների ամբուլատոր-պոլիկլինիկական բժշկական օգնություն իրականացնող ավագ, միջին և կրտսեր բուժաշխատողներին:
Նախագծով առաջարկվող փոփոխությունների արդյունքում՝ առողջապահության ոլորտի շուրջ 15,000 աշխատողների համար ձեռք կբերվեն առողջապահության փաթեթներ և նշված անձանց բժշկական օգնությունը կիրականացվի պետության կողմից երաշխավորված անվճար և արտոնյալ պայմաններով:
Մանրամասները՝ տեսանյութում:
