09.08.2026 | 13:13
Դաշտավանում ծեծկռտուք է եղել․ մասնակիցները հարվածել են քարերով, մահակներով և կռփազենքով
Պաշտպանի միջամտությամբ վերականգնվել է «Նուբարաշեն» ՔԿՀ-ի կալանավորի՝ տեղեկատվություն ստանալու իրավունքը. ՄԻՊ
Հասարակություն
28.07.2017 | 17:18
ՀՀ արդարադատության նախարարության «Նուբարաշեն» քրեակատարողական հիմնարկում պահվող կալանավորված անձը Պաշտպանին հասցեագրած դիմումով տեղեկացրել է, որ ՀՀ արտաքին գործերի նախարարությունը խախտել է տեղեկություն ստանալու իր իրավունքը:
Այս մասին հայտնում են Մարդու իրավունքների պաշտպանի գրասենյակից։
Անձը երկրում հավատարմագրված և գործող բոլոր օտարերկրյա դիվանագիտական առաքելությունների ներկայացուցչությունների, մասնավորապես՝ դրանց իրավաբանական հասցեների, ինչպես նաև ղեկավարների վերաբերյալ տեղեկություն ստանալու համար դիմել էԱրտաքին գործերի նախարարություն: Ի պատասխան տեղեկացվել է, որ հետաքրքրող տեղեկատվությունը հասանելի է ՀՀ արտաքին գործերի նախարարության պաշտոնական կայքէջում, մինչդեռ անազատության մեջ գտնվող անձին արգելված է ունենալ համացանցից օգտվելու հնարավորություն:
Պաշտպանի միջամտությամբ ՀՀ արդարադատության նախարարությունը ուսումնասիրել է եղածգրագրությունը և համոզվել, որ կալանավորին հետաքրքրող տեղեկատվությունը նրան չի տրամադրվել:
ՀՀ արտաքին գործերի նախարարությունն այդ տեղեկատվությունը «Նուբարաշեն» քրեակատարողական հիմնարկ է ուղարկել թղթային տարբերակով:
