19.09.2026 | 22:19
Եկեղեցու վերաբերյալ զեկույցի նախագիծը պատրաստ է․ չեմ բացառում՝ ԱԺ-ում քննիչ հանձնաժողով ստեղծվի․ Նիկոլ Փաշինյան․ ՏԵՍԱՆՅՈւԹ
Հայտնի է պետաիրավական և մարդու իրավունքների պաշտպանության հարցերի մշտական հանձնաժողովի նախագահի անունը
Քաղաքականություն
18.12.2018 | 17:38
«Քաղաքացիական պայմանագիր» կուսակցությունում շարունակվում են քննարկումները, թե ով ինչ պաշտոն կզբաղեցնի Ազգային ժողովում և Կառավարությունում: Factor.am-ի տեղեկություններով՝ պետական-իրավական և մարդու իրավունքների պաշտպանության հարցերի մշտական հանձնաժողովը ղեկավարելու է «Իմ քայլը» դաշինքի ցուցակով պատգամավոր ընտրված, ՔՊ անդամ Նիկոլայ Բաղդասարյանը:
Բաղդասարյանը 2018 թ. հունիսի 27-ին նշանակվել է ՀՀ վարչապետի պաշտոնակատար Նիկոլ Փաշինյանի խորհրդական` հասարակական հիմունքներով:
Factor.am-ը փորձեց տեղեկությունը ճշտել նաև Նիկոլայ Բաղդասարյանից, որն ի պատասխան մեր հարցին՝ ասաց. «Առաջարկություն չկա, բայց եթե անգամ նման առաջարկ լիներ, ապա անհրաժեշտ է, որպեսզի խմբակցության նիստի ժամանակ այդ բոլոր հարցերը քննարկվեն: Ես դեմ եմ, որ նման որոշումները չեն իրականացվում օրենքի սահմաններում, իսկ օրենքն ասում է, որ հենց խմբակցության անդամները առաջարկեն և նրանց կողմից էլ ընտրվի: Ես դեմ եմ ներքին կարգով առաջադրումներին, այն դեպքում, երբ պաշտոնն ընտրովի է»:
Այդուհանդերձ, Նիկոլայ Բաղդասարյանն ասաց՝ եթե թիմն իրեն առաջարկ ներկայացնի, ինքը պատրաստ է ստանձնել պետական-իրավական և մարդու իրավունքների պաշտպանության հարցերի մշտական հանձնաժողովի նախագահի պաշտոնը:
Շողիկ Գալստյան
