12.09.2026 | 15:44
Պուտինը սպառնում է Եվրոպային պատերազմով՝ Ուկրաինա զորքեր մտցնելու դեպքում․ DW
Արցախի, Նախիջևանի, ինչպես նաև Վայքի հատվածում թուրքական կողմից իրականացվում են շինարարական աշխատանքներ․ Վովա Վարդանով․ ՏԵՍԱՆՅՈՒԹ
Քաղաքականություն
17.12.2018 | 17:53
Արցախի, Նախիջևանի, ինչպես նաև Վայքի հատվածում թուրքական կողմից իրականացվում են շինարարական աշխատանքներ, կատարվում են նաև որոշակի փոփոխություններ սահմանապահ զորքերի հատվածում, հակառակորդը մի ամբողջ նոր բրիգադ է տեղակայում Արցախի հատվածում՝ խտացնելով այնտեղ տեղակայված իր զորամիավորումը։
Այս մասին այսօր հրավիրված մամուլի ասուլիսի ժամանակ ասաց Առաջին հետախուզադիվերսիոն ջոկատի հրամանատար Վովա Վարդանովը՝ շեշտելով, որ եթե հակառակորդն իր զորամիավորումների տեղափոխություն է իրականացնում, ապա հայկական կողմում զինվորական պաշտոնյաների տեղափոխություն է կատարվում։
«Մեր ռազմաքաղաքական վերնախավը մի փոքր տարաձայնություն ցուցաբերեց․ մեր մարտական ընկեր Սասուն Միքայելյանի վրիպումը, որն օգտագործվեց իր դեմ, ունեցավ իր արտահայտումը և փաստորեն դրա վերաբերյալ Արցախի ռազմաքաղաքական ղեկավարության արձագանքը դուր չեկավ Հայաստանի ղեկավարությանը։ Իրականում, գուցե, սա առաջին հայացքից է, սակայն կարելի է նաև նշել, որ մեզ մոտ տեղի է ունենում ռազմական ոլորտի պաշտոնյաների վերադասավորում»,- ասաց Վարդանովը։
Մանրամասները՝ տեսանյութում։
Աղավնի Սուքիասյան
