04.09.2026 | 17:54
«Տիգրան Մեծ» բնակելի շենքի կառուցապատողը տուգանվել է 15.2 մլն դրամով և պարտավորվել փոխհատուցել բնակիչներին
Տիգրան Մուկուչյանը զանգել է Հունան Պողոսյանին. ԲՀԿ թեկնածուի բողոքի հետքերով
Քաղաքականություն
10.12.2018 | 14:02
ԱԺ արտահերթ ընտրությունների նախընտրական շրջանում ԲՀԿ ռեյտինգային թեկնածու Նաիրա Զոհրաբյանը հայտարարել էր, թե Սյունիքի մարզպետ Հունան Պողոսյանը տարբեր համայնքներում բացահայտ ուղղորդում է տարբեր համայնքների բնակիչներին՝ գնալ և քվեարկել «Իմ քայլը» դաշինքով առաջադրված պատգամավորության թեկնածուների օգտին:
Այսօր ԿԸՀ-ում հրավիրված ասուլիսում Տիգրան Մուկուչյանն ասաց, որ Նաիրա Զոհրաբյանը ԿԸՀ չի ներկայացրել որևէ դիմում, հետևաբար՝ ապացույցներ իրենց ձեռքի տակ առկա չեն․ «Հայտարարությանը ծանոթանալուն պես ես անձմաբ եմ կապ հաստատել Սյունիքի մարզպետի հետ։ Վերջինս միանշանակ պնդել է, որ որևէ նման խնդիր առկա չէ, ինքը որևէ համայնքում չի եղել և որևէ ընտրողի չի հանդիպել»։
Տիգրան Մուկուչյանը նույն օրը թեմայի շուրջ հեռախոսազրույց է ունեցել Նաիրա Զոհրաբյանի հետ։ Պատգամավորի նախկին ԲՀԿ-ական թեկնածուն ֆեյսբուքյան ուղիղ եթերում դիմել էր Հունան Պողոսյանին․ «Պարոն Պողոսյան, դուք հավատարմորեն ծառայել եք Ռոբերտ Քոչարյանին, դուք նույնքան հավատարմորեն ծառայել եք Սերժ Սարգսյանին, հիմա դուք փորձում եք նույն արջի ծառայությունը մատուցել Նիկոլ Փաշինյանին: Ես վստահ եմ, որ վարչապետը չի հրահանգել ձեզ՝ լինել Հռոմի Պապից ավելի կաթոլիկ, հավաքել համայնքապետերին և հրահանգել աշխատել «Իմ քայլը» դաշինքի թեկնածուների օգտին»։
Նշենք, որ թիվ 12-րդ տեղամասում առաջադրված Նաիրա Զոհրաբյանն ստացել է 2110 ձայն։
