03.06.2026 | 23:39
ՌԴ-ն մտադիր է հայկական գյուղմթերքը փոխարինել Ադրբեջանից ներմուծումներով
Առողջապահության նախարարը՝ ապահովագրական համակարգի առավելությունների մասին
Հասարակություն
27.07.2017 | 13:48
ՀՀ առողջապահության նախարար Լևոն Ալթունյանը կառավարության նիստից հետո լրագրողների հետ զրույցում անդրադարձավ պարտադիր բժշկական ապահովագրության ներդրման խնդրին՝ նշելով, որ այսօր ընդունված նախագիծը վերաբերում է միայն սոցփաթեթի շահառուների ներդրգավմանը՝ ապահովագրական գրոծընթացի մեջ:
«Եթե մինչ օրս մենք ունեինք կանխավճարային մոդիֆիկիացիա այսօր որոշում ընդունվեց, որ սեպտեմբերից այդ գործընթացը լինի ապահովագրական բանաձևով, այսինքն՝ հետվճարային»,- պարզաբանեց նախարարը:
Նրա խոսքով՝ Հայաստանի շուկայում գործում են վեց ապահովագրական ընկերություն, և բոլորն էլ ըստ նախարարի՝ հայտ են ներկայացրել մասնակցելու այդ ծրագրին:
Հիշեցնենք՝ Լևոն Ալթունյանը մինչ նախարարի պաշտոնն ստանձնելը հանդիսացել է «Ինգո Արմենիա» ապահովագրական ընկերության հիմնադիր ղեկավարը: Նա 20 տարի շարունակ ղեկավարել է ընկերությունը:
Մանրամասները՝ տեսանյութում:
Շողիկ Գալստյան
