12.09.2026 | 15:44
Պուտինը սպառնում է Եվրոպային պատերազմով՝ Ուկրաինա զորքեր մտցնելու դեպքում․ DW
Խորհրդարանում չհայտնվելու հավանականությունը շատ փոքր է․ Սուրեն Սահակյան. ՏԵՍԱՆՅՈՒԹ
Քաղաքականություն
09.12.2018 | 14:00
Աջափնյակի 6/17 ընտրատեղամասում իր քաղաքացիական պարտքը կատարեց «Քաղաքացու որոշում» կուսակցության առաջնորդ Սուրեն Սահակյանը։
Լրագրողների հետ զրույցում պատգամավորության թեկնածուն նշեց, որ ընտրախախտումներ չի նկատել, այդուհանդերձ, ականատես է եղել դեպքի, երբ քվեարկել են ծանոթ-բարեկամի, թեև գաղափարապես այլ քաղաքական ուժի աջակիցն են եղել։ Ըստ Սուրեն Սահակյանի՝ քվեարկության գնալիս պետք է բացառապես մտածել այն մասին, թե ինչպիսի Հայաստան են պատկերացնում։
«Ակնկալում եմ, որ այս ընտրությունները կանցնեն արդար, թափանցիկ և գիտակցված։ Կարևոր է ոչ միայն որևէ քաղաքական ուժի հաղթանակը, այլ այն, որ ՀՀ քաղաքացիները կարողանում են ընտրություն կատարել և դրանով իրենց ազատ կամքը դրսևորել»,- նշեց Սուրեն Սահակյանը։
Խոսելով ընտրություններից ՔՈ-ի ակնկալիքների մասին, Սուրեն Սահակյանը նշեց, որ նոր ձևավորվող խորհրդարանում չհայտնվելու հավանականությունը շատ փոքր է։
