Ոչ թե քննադատում էին, այլև միմյանց վրա ցեխ էին շպրտում․ Անահիտ Բախշյան. ՏԵՍԱՆՅՈՒԹ

Factor.am-ի հարցազրույցը ԱԺ նախկին պատգամավոր Անահիտ Բախշյանի հետ

– Տիկին Բախշյան հասցրե՞լ եք մասնակցել ընտրության և ի՞նչ ակնկալիքներով եք քվեարկել:

– Դեռ չեմ քվեարկել, այստեղից կգնամ քվեարկության: Ակնկալիքները… Առաջին՝ վստահ եմ, որ արձանագրելու ենք քաղաքացիական հասարակության ազատ կամքի դրսևորման փաստը, որ մարդկանց վրա մեծավմասամբ ճնշում չկա, դպրոցները չեն խառնված, վարչական ռեսուրսը հանգիստ է պահում իրեն: Այսինքն՝ ընտրություն, որից հետո մեր քաղաքացիներն ասելու են՝ ես ընտրեցի:

– Նախկին ընտրությունների այնպիսի երևույթները, որ մարդկանց մեքենաներով պետք է հասցնեն ընտրատեղամասեր, ընտրակաշառքներ կամ տեղամասերում կեղծ դիտորդներ և հանձնաժողովի անդամների ներկայություն, որոնք ուղղորդում են ընտրողներին… նման երևույթներն այս ընտրություններին բացառվա՞ծ կլինեն:

– Բացառված չեն լինի, որովհետև կան քիչ թվով մարդիկ, որոնք այլ ձեռագիր չունեն, իրենց աշխատաոճը դա է: Բայց նման երևույթները նվազագույնի կհասցվեն, ինձ թվում է: Կախված նրանից, երբ հետո տեսնենք, թե քանի՞ տոկոսը մասնակցեց մեր քաղաքացիների, կարելի է եզրակացություն անել: Բոլորս պիտի կոչ անենք, որ հնարավորինս շատ քաղաքացիներ գնան և մասնակցեն ընտրություններին:

– Երևանի ավագանու ընտրություններին մասնակցեց ընտրողների մոտավորապես 43 տոկոսը: Մտահոգություն կա՞, որ այս ընտրություններին էլ նույն պատկերը կլինի:

– Հասարակությունն էլեկտրականացված է, և բոլորն իրենց ակնկալիքների մասին խոսում են այսօրվա ընտրություններից, բայց, միևնույն է, մասնակցությունն է ցույց տալու այդ էլեկտրականացվածության աստիճանը:

Հարցազրույցի մանրամասները՝ տեսանյութում:

Արմինե Ավետյան