28.04.2026 | 21:14
ՔՊ-ն ԱԺ պետաիրավական հարցերի մշտական հանձնաժողովի նախագահի թեկնածու է առաջադրել
Ռոբերտ Քոչարյանի կալանավորմանը ՀՅԴ-ն կարձագանքի հետագայում․ ուշի ուշով հետևելու ենք գործընթացներին․ ՏԵՍԱՆՅՈՒԹ
Քաղաքականություն
09.12.2018 | 13:05
ՀՅԴ համապետական ցուցակը գլխավորող Արմեն Ռուստամյանի համոզմամբ՝ իրենք հասցրել են իրենց ասելիքը տեղ հասցնել քարոզարշավի այս 12 օրերին։
«Քարոզարշավի ժամանակն աննախադեպ քիչ էր, ասելիքը՝ շատ, կարծում եմ՝ կարողացանք տեղ հասցնել մեր ասելիքն ու հիմնական նպատակը»,- ընտրությանը մասնակցելուց հետո լրագրողների հետ զրույցում ասաց Արմեն Ռուստամյանը՝ նշելով, որ քվեարկել է մեծ հույսով ու հավատով՝ հանուն մեր երկրի ապագայի, հանուն մեր ժողովրդի ակնկալիքների արդարացման։
Անդրադառնալով 2-րդ նախագահ Ռոբերտ Քոչարյանի կալանավորման գործին՝ Արմեն Ռուստամյանն ասաց, որ ՀՅԴ-ն այս փուլում զերծ է մնում դրա վերաբերյալ գնահատականներ հնչեցնելուց և հարցը թողնում է իրավապահ համակարգին։
«Սակայն ուշի ուշով հետևելու ենք գործընթացներին, և մեր գնահատականն ապագայում կտանք: Այս դատավարությունն այնքան մեծ հնչեղություն ունի, որ ամեն ինչ պետք է շատ բծախնդրորեն կատարվի՝ հարգելով օրենքի տառն ու ոգին, կարծում եմ՝ դա մեր դատական համակարգի ամենամեծ քննությունն է լինելու, կարծում եմ հետագայում դրա վերաբերյալ կունենանք հնարավորություն մեր մոտեցումները ներկայացնելու»,- ասաց Ռուստամյանը:
Հարցին՝ ինչով է պայմանավորված որ, երբ Ռ․ Քոչարյանին կալանավորեցին առաջին անգամ ՀՅԴ-ն դրա վերաբերյալ հնչեցրեց գնահատական, իսկ այս անգամ՝ ոչ, Արմեն Ռուսատմյանն ասաց, որ դա կապված է ժամանակի հետ և չեն ցանկանում այս փուլում տալ քաղաքական գնահատականներ։
Մանրամասները՝ տեսանյութում։
