20.10.2026 | 11:20
Կանանց պահանջներն ու առաջարկները՝ կենսաբազմազանության պահպանման օրակարգում․ ՈՒՂԻՂ
Երուսաղեմում 9-ամյա հայ տղայի վրա հարձակված անձը ձերբակալվել է
Քաղաքականություն
28.09.2026 | 11:50
Իսրայելի ոստիկանությունը հայտնել է տղամարդու ձերբակալության մասին, որը Երուսաղեմի Մամիլա թաղամասում պղպեղի սփրեյ էր կիրառել 9-ամյա հայ տղայի նկատմամբ՝ վերջինի կողմից սուրբ օրը՝ Յոմ Կիպուրի տոնի ժամանակ, հեծանիվ վարելու և ականջակալներ կրելու պատճառով, գրում է The Times of Israel-ը:
Կասկածյալը նույնականացվել է որպես Երուսաղեմի մերձակայքում գտնվող հարեդի (ուլտրաօրթոդոքս հրեա) բնակչությամբ Գանեյ Մոդիին բնակավայրի 22-ամյա բնակիչ։ Ոստիկանության տվյալներով՝ կասկածյալը ձերբակալվել է Իսրայելի հյուսիսում, որտեղ գտնվում էր վերջին մի քանի օրվա ընթացքում։
Ոստիկանության տվյալներով՝ կասկածյալին տեղափոխել են Երուսաղեմի ոստիկանության բաժին, որտեղ նա հարցաքննվել է։ Հարցաքննության արդյունքներից կախված՝ նրան կարող են այսօր ներկայացնել դատարան՝ կալանքի։
«Իսրայելի ոստիկանությունը խիստ լրջությամբ է վերաբերվում անչափահասների նկատմամբ բռնության և ահաբեկման դեպքերին, հատկապես՝ այն դեպքերին, որոնք իրականացվում են ազգայնական կամ ռասայական շարժառիթներով»,- հայտնել է ոստիկանությունը։
Թարգմանությունը՝ Էմմա Չոբանյանի
