25.09.2026 | 17:11
ԱՄՀ-ն ու Հայաստանը քննարկել են պահուստային ծրագրի երկրորդ վերանայման հարցերը
Երուսաղեմում հարձակվել են 9-ամյա հայ տղայի վրա՝ պղպեղի սփրեյ ցողել․ՏԵՍԱՆՅՈՒԹ
Քաղաքականություն
25.09.2026 | 16:26
Երուսաղեմում Յոմ Կիպուրի օրը հեծանիվ վարելիս Վիլյամ անունով 9-ամյա հայ տղայի վրա իսրայելցի հրեա ծայրահեղականները պղպեղի սփրեյ են ցողել։ Այս մասին X-ի իր միկրոբլոգում հայտնել է Երուսաղեմում բնակվող հայազգի լրագրող Գեղամ Բալյանը։
«Նա երաժշտություն էր լսում, երբ ահաբեկիչները սպառնալից մոտեցել են նրան և պահանջել հանել ականջակալները։ Նրանք լսել են, թե ինչպես է նա անգլերեն խոսում, և նրանցից մեկն ասել է՝ «Ոչ անգլերեն, հրեաներ» և հարձակվել նրա վրա։ Կարող եք լսել, թե ինչպես է նրա մայրը փորձում հանգստացնել նրան՝ հավաստիացնելով, որ իր կրտսեր քույրը՝ Արևը, լավ է»,- նշել է նա ու կից տեսանյութ հրապարակել։
Իսրայելական Channel 13-ի հաղորդմամբ՝ սա տղայի վրա հարձակման երկրորդ դեպքն է եղել։ Առաջին անգամ նա հոր հետ է եղել, և հայրը պաշտպանել է նրան, իսկ այս անգամ տղան մենակ է եղել։
Տղայի մայրը հեռուստաալիքին հայտնել է, որ հարձակումից հետո որդին դժվարությամբ է քնում, վախ է զգում այն մարդկանց նկատմամբ, որոնք արտաքնապես հրեա են թվում։
Channel 13-ի հաղորդմամբ՝ չնայած հարձակումն անվտանգության տեսախցիկներով արձանագրվել է, ոստիկանությունը փակել է գործը՝ առանց որևէ ձերբակալության։
Թարգմանությունը՝ Էմմա Չոբանյանի
