22.09.2026 | 18:29
«Խաղաշապիկ ամբողջ կյանքի համար». Մեսին ցուցադրել է հրաժեշտի հանդիպման համազգեստը. ՏԵՍԱՆՅՈՒԹ
Արեգնազ Մանուկյանը տուն կգնա․ դատարանը խափանման միջոց է ընտրել տնային կալանքը
Հասարակություն
22.09.2026 | 17:36
«Մայր Հայաստան» կուսակցության վարչության անդամ Արեգնազ Մանուկյանի խափանման միջոց կալանքը փոխարինվել է տնային կալանքով՝ այլ անձանց հետ շփման արգելքով։ Այս մասին տեղեկացնում է նրա պաշտպան Տաթևիկ Սողոյանը։ Երևանի ընդհանուր իրավասության դատարանում շարունակվում է նրա և կուսակցության ղեկավար Անդրանիկ Թևանյանի գործով դատական նիստը, որի ավարտից հետո Մանուկյանը տուն կգնա։
Հիշեցնենք՝ հուլիսի 9-ի առավոտյան քննիչները Մանուկյանի բնակարանում խուզարկություն էին իրականացրել։ Նա սկզբից ձերբակալվել էր, ինչից հետո նրան մեղադրանք էր առաջադրվել Քրեական օրենսգրքի 427-րդ հոդվածի 1-ին մասով (պետական գաղտնիք պարունակող տեղեկություններ հրապարակելը): Նույն օրը երեկոյան քաղաքական գործիչը կալանավորվել էր։ Նա խնամքին անչափահաս երեխա ունի, որի հետ տեսակցությունից զրկված էր, ինչի մասին պարբերաբար ահազանգում էին ընդդիմադիր պատգամավորները և իրավապաշտպանները։
Ռոզա Վարդանյան
