13.10.2026 | 20:29
Ավազակության համար հետախուզվող 44-ամյա տղամարդը հայտնաբերվել և կալանավորվել է
42-ամյա տղամարդու մոտ հայտնաբերվել է մոտ 1.4 կգ մարիխուանա
Հասարակություն
22.09.2026 | 14:46
Քրեական ոստիկանության Սյունիքի մարզային վարչության ծառայողները Կապան-Երևան ճանապարհին ձերբակալել են Վերին Խոտանան գյուղի 42-ամյա բնակչի, որը, ըստ ոստիկանության, իրավապահներին տեսնելով՝ նետել է թմրամիջոց պարունակող փաթեթն ու փորձել փախուստի դիմել։ Փաթեթում հայտնաբերվել է մոտ 1400 գրամ մարիխուանա։ Տղամարդը կալանավորվել է։
Ոստիկանության հաղորդագրությունը՝ ստորև․
Քրեական ոստիկանության Սյունիքի մարզային վարչության ծառայողները թմրամիջոցների ապօրինի շրջանառության վերաբերյալ ստացած օպերատիվ տեղեկությունն իրացրին օգոստոսի 18-ին։ Ցերեկվա ժամը երկուսին մոտ Կապան-Երևան ճանապարհին, Վերին Խոտանան գյուղի ցուցանակի տակից փաթեթ վերցնելու պահին քրեական ոստիկանները մոտեցան նույն գյուղի բնակիչ 42-ամյա տղամարդուն։ Տեսնելով իրավապահներին՝ տղամարդը նետեց փաթեթն ու դիմեց փախուստի, սակայն արագ էլ բռնվեց, ձերբակալվեց և տեղափոխվեց վարչություն։ Փաթեթը նետելու վայրը վերցվեց պահպանության։
Կազմված փաստաթղթերը և 42-ամյա տղամարդը ներկայացվեցին Սյունիքի մարզային քննչական վարչություն, որտեղ նախաձեռնվեց քրեական վարույթ, որի շրջանակում կատարված զննությամբ հայտնաբերվեց նետած փաթեթը։ Այն պարունակում էր մոտ 1400 գրամ մարիխուանա։
Տղամարդը կալանավորվել ու տեղափոխվել է քրեակատարողական հիմնարկ։
Նախաքննությունը շարունակվում է։
