18.09.2026 | 14:22
Լեհաստանի վարչապետը հայտարարել է, որ ՌԴ-ն ծրագրում է «հիբրիդային» հարվածներ հասցնել Կիևին աջակցող ՆԱՏՕ-ի երկրներին
Յուրի Խաչատուրովը դիվանագիտական անձեռնմխելիություն չի ունեցել. հանրային մեղադրող․ ՏԵՍԱՆՅՈՒԹ
Հասարակություն
18.09.2026 | 13:45
ՀԱՊԿ նախկին գլխավոր քարտուղար Յուրի Խաչատուրովը ՀՀ քաղաքացի է, հետևաբար՝ Հայաստանի իրավապահ մարմիններն իրավասու են եղել նրա նկատմամբ քրեական հետապնդում իրականացնել: Այսօրվա դատական նիստին նման դիրքորոշում հայտնեց հանրային մեղադրող Հայկ Հովհաննիսյանը՝ առարկելով Խաչատուրովի պաշտպան Միհրան Պողոսյանի միջնորդության դեմ:
Պաշտպանը, հիշեցնենք, միջնորդել էր դադարեցնել Խաչատուրովի նկատմամբ քրեական հետապնդումն այն հիմքով, որ նրան մեղադրանք առաջադրելիս նա եղել էր ՀԱՊԿ գլխավոր քարտուղարն ու օգտվել դիվանագիտական անձեռնմխելիությունից:
Ըստ Հայկ Հովհաննիսյանի՝ որպես ՀԱՊԿ գլխավոր քարտուղար գործառույթներն իրականացնելիս քարտուղարն անձեռնմխելի է ընդունող պետության տարածքում, իսկ ՀՀ տարածքում նա չի օգտվում դիվանագիտական անձեռնմխելիությունից:
Հանրային մեղադրողը շեշտադրեց նաև այն հանգամանքը, որ Յուրի Խաչատուրովին վերագրվում էր «Մարտի 1»-ի իրադարձությունների համար ենթադրյալ հանցավոր արարք, որը կապ չունի նրա՝ որպես ՀԱՊԿ քարտուղարի լիազորությունների հետ, իսկ դիվանագիտական անձեենմխելիությունը գործառութային է, այսինքն՝ անձն օգտվում է անձեռնմխելիությունից այն դեպքում, եթե նրան պետք է մեղադրյալ ներգրավել իր գործառույթների շրջանակներում կատարված ենթադրյալ արարքի համար:
Մանրամասները՝ տեսանյութում։
Արաքս Մամուլյան
