Դատախազությունը պահանջում է Ապարանի շուրջ 16 հա հողատարածքներ վերադարձնել համայնքին

Հասարակություն

16.09.2026 | 15:44

Լուրեր

11.10.2026 | 00:27

«Համաշխարհային առևտրի կենտրոն Երևան» նախագիծը միշտ արդիական կլինի Երևանի համար և կնպաստի քաղաքի ինքնության ձևակերպմանը. վարչապետ

10.10.2026 | 23:38

Հենրիխ Մխիթարյանը` գոլային փոխանցման հեղինակ. ՏԵՍԱՆՅՈՒԹ

10.10.2026 | 21:37

Կանանց Հայաստանի հավաքականը ոչ-ոքի խաղաց Ինդոնեզիայի հետ

10.10.2026 | 19:47

Քննարկվել են Հայաստանում կախվածությունների կանխարգելման և բուժման ուղղությամբ իրականացվող աշխատանքները

10.10.2026 | 19:12

Ֆուտբոլի Հայաստանի հավաքականը հոկտեմբերի 14-17-ը մարզական հավաք կանցկացնի. Մ-17

10.10.2026 | 18:45

Քննարկվել են Հայաստան–Կորեա համագործակցությանն առնչվող հարցեր

10.10.2026 | 18:18

ԶՈՒ ԳՇ պետն այցելել է մի շարք զորամասեր

10.10.2026 | 17:44

Հայաստանի կրտսեր տարիքի պատանիների հավաքականը Եվրոպայի ստուգատեսում կունենա 17 բռնցքամարտիկ

10.10.2026 | 17:13

ՀՀ ՊՆ ՌՈ պետն այցելել է բանակային դիրքեր

10.10.2026 | 16:51

«Գալուստ Գյուլբենկյան» հիմնադրամի հոգաբարձուների խորհրդի նախագահն այցելել է Հայոց ցեղասպանության հուշահամալիր

10.10.2026 | 16:31

ՊՆ փոխնախարարը զորամասում ծանոթացել է ծառայության կազմակերպմանը

10.10.2026 | 15:55

Հոկտեմբերի 13-ից Հայաստանում սպասվում է անձրև և ամպրոպ

10.10.2026 | 15:45

Զինծառայողի մահվան դեպքով քրեական վարույթ է նախաձեռնվել․ ՔԿ-ն չի հստակեցնում՝ ինչ հոդվածով

10.10.2026 | 15:39

Հոկտեմբերի 11-ին Երևանի մի շարք փողոցներում երթևեկությունը կսահմանափակվի․ ՆԳՆ

10.10.2026 | 15:15

Ընդերքը ՀՀ ժողովրդի սեփականությունն է, և այդ հարստությունը ծառայելու է ՀՀ զարգացմանն ու բարեկեցությանը. վարչապետը ներկա է գտնվել Ամուլսարի ոսկու հանքավայրի շահագործման արարողությանը

Բոլորը

Արագածոտնի մարզի դատախազությունը հինգ հայց է ներկայացրել դատարան՝ պահանջելով անվավեր ճանաչել Ապարան և Քուչակ բնակավայրերում շուրջ 16 հա ընդհանուր մակերեսով հողատարածքների օտարման գործարքները։ Ըստ դատախազության՝ մի շարք հողամասեր օտարվել են այն դեպքում, երբ ենթակա չեն եղել օտարման, իսկ երկու դեպքում աճուրդում հաղթող է ճանաչվել համայնքի ղեկավարի որդին։

Արագածոտնի մարզի դատախազությունը, պետական շահերի պաշտպանության հայց հարուցելու լիազորության շրջանակում, ուսումնասիրել է շուրջ 16 հա մակերեսով 5 հողատարածքների օտարման իրավաչափությունը: Հայտնաբերված խախտումների հիմքով 5 հայց է ներկայացվել իրավասու դատարան:

Ուսումնասիրությամբ պարզվել է.

2020 թվականի հոկտեմբերի 23-ի թիվ 22 արձանագրության համաձայն՝ Արագածոտնի մարզի Ապարան համայնքի Ապարան քաղաքում գտնվող՝ 0,4 հա մակերեսով հողամասը, աճուրդ-վաճառքի միջոցով, համայնքի ղեկավարի որոշմամբ՝ որպես գյուղատնտեսական նշանակության հողատարածք, օտարվել է ֆիզիկական անձի, մինչդեռ հանդիսացել է օտարման ոչ ենթակա հողատարածք:

Դատախազությունը 2026 թվականի հուլիսի 29-ին հայցադիմում է ներկայացրել Հակակոռուպցիոն դատարան՝ պահանջելով անվավեր ճանաչել Ապարան համայնքի ղեկավարի և ֆիզիկական անձի միջև 2020 թվականի հոկտեմբերի 29-ին կնքված անշարժ գույքի աճուրդ-վաճառքի պայմանագիրը և, որպես հետևանք, անվավեր ճանաչել 2020 թվականի նոյեմբերի 3-ին ֆիզիկական անձի անվամբ կատարված սեփականության իրավունքի պետական գրանցումը:

Հայցադիմումը 2026 թվականի օգոստոսի 13-ին ընդունվել է դատարանի վարույթ, կիրառվել է հայցի ապահովման միջոց:

2020 թվականի հոկտեմբերի 23-ի թիվ 26 արձանագրության համաձայն՝ Արագածոտնի մարզի Ապարան համայնքի Քուչակ բնակավայրում գտնվող՝ 1,3724 հա մակերեսով հողամասը, աճուրդ-վաճառքի միջոցով, համայնքի ղեկավարի որոշմամբ՝ որպես գյուղատնտեսական նշանակության հողատարածք, օտարվել է ֆիզիկական անձի, մինչդեռ հանդիսացել է օտարման ոչ ենթակա հողատարածք:

Հայցադիմումը 2026 թվականի օգոստոսի 13-ին ընդունվել է դատարանի վարույթ, կիրառվել է հայցի ապահովման միջոց:

2020 թվականի հոկտեմբերի 23-ի թիվ 25 արձանագրության համաձայն՝ Արագածոտնի մարզի Ապարան համայնքի Քուչակ բնակավայրում գտնվող՝ 13,6674 հա մակերեսով հողամասը, աճուրդ-վաճառքի միջոցով, համայնքի ղեկավարի որոշմամբ՝ որպես գյուղատնտեսական նշանակության հողատարածք, օտարվել է ֆիզիկական անձի, մինչդեռ հանդիսացել է օտարման ոչ ենթակա հողատարածք:

Հայցադիմումը 2026 թվականի օգոստոսի 13-ին ընդունվել է դատարանի վարույթ, կիրառվել է հայցի ապահովման միջոց:

Արագածոտնի մարզի Ապարան քաղաքային համայնքի ավագանու՝ 2017 թվականի օգոստոսի 30-ի թիվ 42-Ա որոշմամբ, ի թիվս այլնի, թույլատրվել է աճուրդ-վաճառքի միջոցով օտարել Ապարանի քաղաքային համայնքի սեփականություն հանդիսացող՝ Մարշալ Բաղրամյան 44/12 հասցեում գտնվող՝ 0,0016 հա մակերեսով հողամասը: 2017 թվականի հոկտեմբերի 2-ին աճուրդ-վաճառքի հաղթող է ճանաչվել Ապարան համայնքի ղեկավարի որդին: Նույն օրը աճուրդի կազմակերպիչ և համայնքի ղեկավար Գ.Ա.-ն աճուրդում հաղթող ճանաչված իր որդու հետ կնքել է անշարժ գույքի առուվաճառքի պայմանագիր:

Դատախազությունը 2026 թվականի օգոստոսի 19-ին հայցադիմում է ներկայացրել Հակակոռուպցիոն դատարան՝ պահանջելով անվավեր ճանաչել 2017 թվականի հոկտեմբերի 2-ի աճուրդը և, որպես հետևանք, անվավեր ճանաչել 2017 թվականի հոկտեմբերի 9-ի առուվաճառքի պայմանագիրն ու համայնքի ղեկավարի որդու անվամբ կատարված սեփականության իրավունքի պետական գրանցումը:

Հայցադիմումը 2026 թվականի օգոստոսի 25-ին ընդունվել է դատարանի վարույթ, կիրառվել է հայցի ապահովման միջոց:

Արագածոտնի մարզի Ապարան քաղաքային համայնքի ավագանու՝ 2016 թվականի ապրիլի 22-ի թիվ 20-Ն որոշմամբ, ի թիվս այլնի, թույլատրվել է աճուրդ-վաճառքի միջոցով օտարել Ապարանի քաղաքային համայնքի սեփականություն հանդիսացող՝ 0,4786 հա մակերեսով հողամասը: 2017 թվականի հոկտեմբերի 2-ին աճուրդ-վաճառքի հաղթող է ճանաչվել Ապարան համայնքի ղեկավարի որդին: Նույն օրը աճուրդի կազմակերպիչ և համայնքի ղեկավար Գ.Ա.-ն աճուրդում հաղթող ճանաչված իր որդու հետ կնքել է անշարժ գույքի առուվաճառքի պայմանագիր:

Դատախազությունը 2026 թվականի օգոստոսի 19-ին հայցադիմում է ներկայացրել Հակակոռուպցիոն դատարան՝ պահանջելով անվավեր ճանաչել 2017 թվականի հոկտեմբերի 2-ի աճուրդը և, որպես հետևանք, անվավեր ճանաչել 2017 թվականի հոկտեմբերի 10-ի առուվաճառքի պայմանագիրն ու համայնքի ղեկավարի որդու անվամբ կատարված սեփականության իրավունքի պետական գրանցումը:

Հայցադիմումը 2026 թվականի սեպտեմբերի 2-ին ընդունվել է դատարանի վարույթ, կիրառվել է հայցի ապահովման միջոց: