16.09.2026 | 15:44
Դատախազությունը պահանջում է Ապարանի շուրջ 16 հա հողատարածքներ վերադարձնել համայնքին
ՄԻՊ-ում քննարկվել են ազատությունից զրկված ծնողների՝ երեխաների հետ տեսակցությունների խնդիրները
Հասարակություն
16.09.2026 | 15:19
Մարդու իրավունքների պաշտպանի աշխատակազմում պետական իրավասու մարմինների ներկայացուցիչների մասնակցությամբ քննարկվել են ազատությունից զրկված ծնողների՝ երեխաների հետ տեսակցությունների կազմակերպման ընթացքում առկա գործնական խնդիրներն ու դրանց լուծման հնարավոր մեխանիզմները։ Անդրադարձ է եղել նաև երեխային օտարերկրյա պետություն անօրինական տեղափոխելու դեպքում շփման իրավունքի ապահովման հարցերին։
«ՀՀ մարդու իրավունքների պաշտպանի աշխատակազմում կազմակերպվել է աշխատանքային քննարկում պետական իրավասու մարմինների ներկայացուցիչների հետ՝ ազատությունից զրկված ծնողների՝ իրենց երեխաների հետ տեսակցությունների կազմակերպմանն առնչվող հարցերի շուրջ։
Սեպտեմբերի 14-ին Մարդու իրավունքների պաշտպանի աշխատակազմի Կոնվենցիոն մանդատների ապահովման վարչության ներկայացուցիչները հանդիպել են ՀՀ Արդարադատության և ՀՀ Աշխատանքի և բարեկեցության նախարարությունների, ինչպես նաև ՀՀ Արդարադատության նախարարության Քրեակատարողական ծառայության ներկայացուցիչների հետ։
Աշխատանքային հանդիպման ընթացքում քննարկվել են ազատությունից զրկված ծնողների՝ իրենց երեխաների հետ տեսակցությունների կազմակերպման գործընթացում առկա գործնական խնդիրները, գործընթացում ներգրավված իրավասու մարմինների դերակատարումը, ինչպես նաև առկա խնդիրների լուծման և տեսակցությունների արդյունավետ կազմակերպման հնարավոր մեխանիզմները։
Հանդիպմանն անդրադարձ է կատարվել նաև երեխային օտարերկրյա պետություն անօրինական տեղափոխելու դեպքում երեխայի հետ շփման իրավունքի ապահովման գործընթացում առկա խնդիրներին։
Առանձնահատուկ ուշադրություն է դարձվել Մարդու իրավունքների պաշտպանի աշխատակազմի մշտադիտարկման և դիմում-բողոքների քննարկման արդյունքում վեր հանված խնդիրներին, ինչպես նաև դրանց լուծմանն ուղղված հետագա քայլերի ու համագործակցության հնարավորություններին»,- ասված է ՄԻՊ-ի տարածած հաղորդագրությունում։
