09.09.2026 | 23:03
Գեղարքունիքի և Կոտայքի մարզերի մի շարք հասցեներում 24 ժամ ջուր չի լինի
Գյումրիում բացահայտվել է կեղծ օղու և կոնյակի պատրաստման դեպք․ 52-ամյա տղամարդը ձերբակալվել է. ՆԳՆ
09.09.2026 | 22:04
Գյումրիում առանց համապատասխան թույլտվության կեղծ օղի և կոնյակ պատրաստելու ու իրացնելու կասկածանքով 52-ամյա տղամարդ է ձերբակալվել։ Այս մասին հայտնում է ՀՀ ՆԳՆ ոստիկանությունը։
Ոստիկանության Քրեական ոստիկանության Շիրակի մարզային վարչության ծառայողները սեպտեմբերի 5-ին օպերատիվ տեղեկություն են ստացել, որ Գյումրիի 52-ամյա բնակիչը տանը պատրաստում և իրացնում է կեղծ ալկոհոլային խմիչքներ։
Նա հրավիրվել է մարզային վարչություն, որտեղ բացատրական աշխատանքի արդյունքում հայտնել է, որ ստացված տեղեկությունը համապատասխանում է իրականությանը։
Դեպքի առթիվ նախաձեռնվել է քրեական վարույթ։ Դրա շրջանակում Ղուկասյան փողոցում գտնվող տղամարդու բնակարանում կատարված խուզարկությամբ հայտնաբերվել է տարբեր մակնշումներով 144 շիշ կեղծ օղի, տարբեր տարողություններով 15 շիշ կեղծ կոնյակ, մոտ 60 լիտր օղի, ինչպես նաև խցաններ, դատարկ շշեր և այլ պարագաներ։
52-ամյա տղամարդը ձերբակալվել և կազմված փաստաթղթերի հետ ներկայացվել է վարույթն իրականացնող մարմին։
Կատարվում է նախաքննություն։
