Քաղաքականություն
09.09.2026 | 13:37
Արտաքին հարաբերությունների մշտական հանձնաժողովի փախնախագահ է ընտրվել ԱԺ «Քաղաքացիական պայմանագիր» խմբակցությունից Մարիա Կարապետյանը։ Կարապետյանին հանձնաժողովում ներկայացրեց նրա թիմակից Սոնա Ղազարյանը։
«Ուժեղ Հայաստան» և «Հայաստան» խմբակցությունները դեմ քվեարկեցին նրա թեկնածությանը, սակայն վերջինս, միևնույն է, ընտրվեց հանձնաժողովի փոխնախագահ։
Պատգամավորը 7-րդ գումարման Ազգային ժողովում ՄԻՊ և հանրային հարցերի մշտական հանձնաժողովի անդամ է եղել, 8-րդ գումարման ԱԺ-ում՝ Արտաքին հարաբերությունների մշտական հանձնաժողովի անդամ։
2008թ. ավարտել է Երևանի Վ. Բրյուսովի անվան պետական լեզվաբանական համալսարանի լեզվաբանության և միջմշակութային հաղորդակցության ֆակուլտետը: 2010թ.՝ նույն ֆակուլտետի մագիստրատուրան, Եվրոպագիտության մագիստրոս է։
2008-2013թթ. դասավանդել է Միջազգային որակյալ դպրոցների (Quality Schools International) Երևանի մասնաճյուղում: 2011-2018թթ. եղել է «Իմեջին» կոնֆլիկտների վերափոխման կենտրոնի զարգացման գծով տնօրեն, տարածաշրջանային մասնագիտական ցանցերի ստեղծման ծրագրերի համակարգող:
2015-2018թթ.՝ «Կովկասյան հրատարակություն. կոնֆլիկտների հաղթահարում» պարբերականի խմբագրական խորհրդի անդամ:
Անի Թամրազյան
