04.09.2026 | 17:54
«Տիգրան Մեծ» բնակելի շենքի կառուցապատողը տուգանվել է 15.2 մլն դրամով և պարտավորվել փոխհատուցել բնակիչներին
Էդմոն Մարուքյանը՝ ԼՀԿ-ի շանսերի ու Ծառուկյանի ակնարկած Գևորիկի մասին. ՏԵՍԱՆՅՈՒԹ
Քաղաքականություն
06.12.2018 | 16:36
«Լուսավոր Հայաստան» կուսակցության ղեկավար Էդմոն Մարուքյանը հավաստիացնում է՝ եթե այն արդյունքները, որոնք այսօր հրապարակել է սոցիոլոգիական կենտրոններից մեկը, ճիշտ է, նշանակում է, որ ՀՀ քաղաքացին շատ մեծ անելիք ունի։
«Ես իմ ուղերձն եմ հղում, որ ամեն ինչ անեն, որ ԼՀԿ-ն լինի երկրորդը։ Նոր քաղաքական համակարգում չեն կարող մեծ դերակատարում ունենալ այն ուժերը, որոնք ՀՀԿ-ի հետ հավասար պատասխանատվություն են կրել՝ ընտրել են Սերժ Սարգսյանին, հոկտեմբերի 2-ին փորձել են սաբոտաժ անել հեղափոխությանը։ Ես կարծում եմ, որ նոր քաղաքական համակարգը չի կարող առողջանալ, եթե մենք շարունակենք ունենալ այնպիսի քաղաքական համակարգ, որտեղ շահերի բախում և բիզնես շահեր լինեն»,- ասաց Էդմոն Մարուքյանը։
Պատգամավորի թեկնածուն լրագրողների համար մանրամասնեց նաև, թե ով է Գագիկ Ծառուկյանի ակնարկած Գևորիկը։
«Գևորիկը սպորտսմեն մի տղա է, որն իմ հետ է ծառայել։ Նա Վանաձորի ընտրությունների ժամանակ տարբեր ուժերին էլ աջակցել է, այդ թվում՝ ինձ։ Այդ ժամանակ ինձ Գևորիկն առաջարկել է, որ ես գնամ Գագիկ Ծառուկյանի հետ հանդիպեմ, ես մերժել եմ, առաջարկ է եղել նաև, որ անդամակցեմ իրենց, որը նորից մերժել եմ»,- ասաց Մարուքյանը։
Մանրամասները՝ տեսանյութում։
