31.08.2026 | 15:33
Տնակների քանդման վայրից երկու անձ բերման է ենթարկվել, նրանցից մեկը կոտրել է ոստիկանական մեքենայի ապակին
Ամեն օր սպասում էինք, գիտեինք, որ գալու են. Օրբելյանը` Քոչարյանների տան խուզարկության մասին․ ՏԵՍԱՆՅՈՒԹ
Հասարակություն
31.08.2026 | 15:02
ՀՀ երկրորդ նախագահ Ռոբերտ Քոչարյանի ծննդյան օրը հրավիրված մամուլի ասուլիսի ժամանակ նրա գրասենյակի ղեկավար Բագրատ Միկոյանը և փաստաբան Արամ Օրբելյանն անդրադարձան Հայաստանի ներքաղաքական վերջին զարգացումներին, մասնավորապես՝ Ռոբերտ Քոչարյանի և նրա մերձավորների նկատմամբ իրականացվող իրավական գործողություններին ու դրանց աշխարհաքաղաքական համատեքստին։
Լրագրողի հարցին ի պատասխան՝ Արամ Օրբելյանը նշեց, որ Քոչարյանների բնակարաններում իրականացված խուզարկությունների մասին տեղեկատվության արտահոսքը իրավապահ համակարգից սպասելի էր, իսկ տեղեկատվության հիմնական աղբյուրը հենց Նիկոլ Փաշինյանն է եղել։
Ըստ փաստաբանի՝ վարչապետը չի դադարում լրագրող լինել և հաճախ «անոնսում» է իրավական գործողությունները նախքան դրանց իրականացումը։
«Ինքը իր ժուռնալիստիկայից դուրս չի գալիս։ Վարչապետի գործ անելու փոխարեն՝ Ազգային ժողովում բաց տեքստով ակնարկներ է անում։ Հետո էլ, երբ խուզարկության ժամանակ ոչինչ չեն գտնում, փորձում են արդարանալ, թե տեղյակ են եղել նախապես»,- ասաց Օրբելյանը։
Փաստաբանը նաև պարզաբանեց Քոչարյանների «Բարի գալուստ ԱԱԾ» պաստառի պատմությունը՝ նշելով, որ դա հին, հումորային պաստառ է եղել, որը երեխաներն են փակցրել, և այն որևէ կերպ չի կարող ծառայել որպես նախնական տեղեկացվածության ապացույց։
Գրասենյակի ղեկավար Բագրատ Միկոյանն էլ անդրադարձավ ՌԴ նախագահ Վլադիմիր Պուտինի և Նիկոլ Փաշինյանի վաղվա սպասվող հանդիպմանը։ Նա ընդգծեց, որ Ռուսաստանի առաջնորդի ջերմ շնորհավորանքը Ռոբերտ Քոչարյանին նրա ծննդյան առթիվ բնական է՝ հաշվի առնելով նրանց անձնական և քաղաքական կապերը։
«Երբ դու Ռուսաստանի հետ դրական հարաբերությունների կողմնակից մարդկանց կալանավորում ես, տնային կալանքի ես տանում, խոչընդոտում ես ընտրությունների մասնակցելը, ընտրություններից հետո կալանում ես, դա կարող է բնական հարց առաջացնել Ռուսաստանի մոտ։ Ու երբ որ քո երկրում վխտում են թուրքական, ադրբեջանական ազդեցության տարբեր կալիբրի գործակալներ, ոնց որ ամեն ինչ նորմալ է։ Ռուսաստանը կարող է հանգիստ մտահոգություն ունենալ, ու դա բնական է, նույնը կանեինք մենք, ինձ թվում է»,- նշեց Միկոյանը։
Արամ Օրբելյանն իր խոսքը եզրափակեց՝ նշելով, որ 2018 թվականից սկսած Ռոբերտ Քոչարյանը և իր պաշտպանական թիմը մշտապես պատրաստ են եղել կալանքի որոշումների։
Ըստ նրա՝ քանի դեռ իշխանության գործելաոճը չի փոխվել, իրավական գործընթացները շարունակելու են կրել քաղաքական ենթատեքստ։
Մանրամասները՝ տեսանյութում։
Ռոզա Վարդանյան
