12.12.2024 | 13:35
Խաղաղության պայմանագրի 2 կետում բաց հարցեր ունենք․ Ադրբեջանի ԱԳ նախարար
Կառավարությունը մաքսատանը կուտակված աջ ղեկով մեքենաները մաքսազերծելու նոր կարգ է սահմանել. ՏԵՍԱՆՅՈՒԹ
Հասարակություն
06.12.2018 | 11:49
Կառավարության դեկտեմբերի 6-ի նիստում գործադիրը հավանություն տվեց ՀՀ պետական կառավարման շահագրգիռ մարմինների և «Ղեկը աջ» նախաձեռնության անդամների հետ կազմակերպված քննարկումների արդյունքում մշակված Կառավարության 2015 թվականի նոյեմբերի 19-ի թիվ 1359-Ն որոշման մեջ լրացում կատարելու առաջարկին։
Մաքսային կետում այս պահին կուտակված աջ ղեկով մեքենաները հնարավոր կլինի մաքսազերծել աջ ղեկը տեղափոխելով․ առաջարկվող այս մեխանիզմին հավանություն են տվել նաև «Ղեկը աջ» նախաձեռնության անդամները։
Այս փոփոխության արդյունքում՝ աջ ղեկով մեքենաները հնարավոր կլինի ներմուծել առանց վերասարքավորման ներմուծել ՀՀ տարածք, ՀՀ տարածքում մինչև 6 ամսվա ժամկետում իրականացնել աջակողմյան ղեկային համակարգի փոխարինում ձախակողմյան ղեկային համակարգով, այնուհետև ՀՀ օրենսդրությամբ սահմանված կարգով մաքսազերծելուց հետո դրանք հաշվառել ՀՀ ոստիկանությունում և ազատ շահագործել ՀՀ տարածքում:
Կառավարության այս կարգավորումը գործում է մինչև 2019 թվականի մարտ ամիսը, որից հետո կրկին կարգելվի աջ ղեկով մեքենաների ներմուծումը Հայաստան։
Մանրամասները՝ տեսանյութում։
