Քաղաքականություն
27.08.2026 | 14:46
«Ուժեղ Հայաստան» խմբակցության կողմից ԱԺ տարածքային կառավարման և շրջակա միջավայրի պահպանության հարցերի մշտական հանձնաժողովի նախագահի պաշտոնում առաջադրված Իրինա Յոլյանը չընտրվեց։
Քվեարկությանը մասնակցել է 102 պատգամավոր․ 38-ը կողմ է քվեարկել, 63-ը՝ դեմ, մեկ քվեաթերթիկ անվավեր է ճանաչվել։
Հիշեցնենք, որ խորհրդարանը քննարկում էր ԱԺ տարածքային կառավարման և շրջակա միջավայրի պահպանության հարցերի մշտական հանձնաժողովի նախագահի ընտրության հարցը։ «Ուժեղ Հայաստան» խմբակցության ղեկավար Նարեկ Կարապետյանը երեկ հայտնեց, որ այդ պաշտոնում խմբակցությունն առաջադրել է պատգամավոր Իրինա Յոլյանի թեկնածությունը։
Ավելի վաղ հայտնել էինք, որ Factor TV-ի տեղեկություններով` իշխող ՔՊ խմբակցությունը որոշում ունի կողմ չքվեարկել նրա թեկնածությանը:
Իրինա Յոլյանը Factor TV-ի հարցին, թե ինչո՞ւ ինքը չի կարողացել համոզել ՔՊ-ական պատգամավորներին, պատասխանել էր, որ որևէ մեկին համոզելու խնդիր չունի։
Քվեարկությունը գաղտնի էր, միայն ընդդիմության ձայներով Յոլյանը չէր կարող հանձնաժողովի նախագահ ընտրվել:
Ավելի վաղ այս պաշտոնում «Ուժեղ Հայաստան»-ը առաջադրել էր Դավիթ Ղազինյանի թեկնածությունը. իշխող ուժը, սակայն, կողմ չէր քվեարկել:
Անի Թամրազյան
