01.11.2026 | 10:05
ՀՀ տարածքում ավտոճանապարհներն անցանելի են
Առուշանյանի հետ շփվո՞ւմ եք. հարց Իրինա Յոլյանին․ ՏԵՍԱՆՅՈՒԹ
Քաղաքականություն
26.08.2026 | 17:11
ԱԺ «Ուժեղ Հայաստան» խմբակցության պատգամավոր Իրինա Յոլյանը հայտարարեց, որ եթե «Քաղաքացիական պայմանագիր» խմբակցությունը որոշի իրեն չընտրել հանձնաժողովի պաշտոնում, դա նորմալ կընդունի, քանի որ իր համար առաջնայինը հանրային խնդիրների մասին բարձրաձայնելն է։
«Անկախ նրանից՝ կընտրվեմ, չեմ ընտրվի, ես շարունակելու եմ նույն կերպ խոսել հանրային խնդիրների մասին, նույն կերպ խոսել ապօրինությունների մասին»,– ասաց Յոլյանը:
Factor TV-ի հարցին, որ ՔՊ ներսում իրեն չընտրելու որոշում կա, ինչո՞ւ ինքը չի կարողացել համոզել ՔՊ-ական պատգամավորներին, Յոլյանը պատասխանեց, որ որևէ մեկին համոզելու խնդիր չունի։
«Եթե իրենք պատրաստ չեն այդ խնդիրներն ու փաստերը լսել, փորձել դրանց լուծման ճանապարհներով գնալ, եթե կարող են, եթե չեն կարող այդ աշխատանքի համատեքստում փորձել ամեն ինչ անել, որ հանրությանը հուզող խնդիրները գան օրակարգ, դա արդեն իրենց խնդիրն է»,– նշել է նա։
Անդրադառնալով իր և Գորիսի համայնքապետ Առուշ Առուշանյանի հարաբերություններին՝ Յոլյանը նշեց, որ աշխատանքից դուրս գալուց հետո նրա հետ չի շփվել:
Մանրամասները` տեսանյութում:
Արփի Հակոբյան
