16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Փաշինյանը միլիոնատեր է, թե միլիարդատեր` իշխանափոխությունից հետո է պարզվելու. Սևակ Խաչատրյան․ ՏԵՍԱՆՅՈՒԹ
Հասարակություն
25.08.2026 | 11:44
«Նիկոլ Փաշինյանը միլիոնատե՞ր է, թե՞ միլիարդատեր՝ դա իշխանափոխությունից հետո է պարզվելու»․ Factor TV-ի հարցին ի պատասխան՝ այս մասին ասաց ԱԺ «Հայաստան» խմբակցության պատգամավոր Սևակ Խաչատրյանը՝ Լևոն Քոչարյանի բնակարանում և Քոչարյանների ընտանիքին պատկանող ընկերություններում իրականացվող խուզարկությունները քաղաքական հետապնդում որակելով։
«Այսօր հնարավո՞ր է ինչ-որ բան պարզել, երբ ամբողջ իրավական համակարգը՝ ԱԱԾ-ն, Քննչականը, Ոստիկանությունն իրենց սեփական կառույցներն են դարձել։ Հայտարարագիր լրացնելը մի բան է, իսկ իրական ունեցվածքը կպարզվի իշխանափոխությունից հետո»,- ասաց ընդդիմադիր պատգամավորը։
Պատգամավորի խոսքով՝ տեղի ունեցողը նախորդ օրն ԱԺ ամբիոնից Նիկոլ Փաշինյանի տված ուղիղ հրահանգի արդյունքն է։
«Երեկ երկրի վարչապետը թիվ մեկ քաղաքական ամբիոնից ուղիղ հրաման տվեց իրավապահներին, որպեսզի քրեական գործեր կարեն, ահաբեկեն ու բռնաճնշումներ իրականացնեն Ռոբերտ Քոչարյանի ընտանիքի և մերձավորների նկատմամբ։ Այսօր առավոտյան ժամը 7-ից սկսված գործողությունները երեկվա ասածի ապացույցն են։ Այսօրվա իրավապահ համակարգը դարձել է Նիկոլ Փաշինյանի «բութ գործիքը», որն օգտագործվում է ժողովրդի և ընդդիմադիրների դեմ»,- ասաց Խաչատրյանը։
Մանրամասները՝ տեսանյութում։
Արփի Հակոբյան
