19.08.2026 | 19:43
Արաղչին հայտարարել է, որ Իրանի պատերազմն ապացուցեց՝ արտաքին ուժերն ու բազաները չեն կարող անվտանգություն ապահովել
«Եթե տղամարդավարիով է, բա ինչի՞ պարոն Ղազինյանը դուրս գնաց, ասել էր` չեմ գնում». Ալեքսանյան
Քաղաքականություն
19.08.2026 | 18:44
Ազգային ժողովի իշխող մեծամասնությունը գործում է բացառապես օրենքի և ԱԺ կանոնակարգի շրջանակում, իսկ անվտանգության ծառայության միջամտությունը նիստի ընթացքում եղել է հարկադիր միջոց՝ պայմանավորված ընդդիմադիր պատգամավորի՝ նախագահողի որոշումներին չենթարկվելու հանգամանքով։ Այս մասին լրագրողների հետ զրույցում հայտարարեց իշխող ԱԺ փոխխոսնակ Վահագն Ալեքսանյանը։
Մեկնաբանելով ընդդիմադիր «Ուժեղ Հայաստան» դաշինքից պատգամավոր Դավիթ Ղազարյանին նիստերի դահլիճից հեռացնելու միջադեպը՝ Ալեքսանյանը պարզաբանեց, որ փոխխոսնակը գործել է խստորեն ընթացակարգին համապատասխան։
«Իրավիճակը ամբողջովին աշխատանքային էր։ Պատգամավորին նախ դիտողություն արվեց տեղից ելույթ ունենալու համար, ապա՝ կրկնակի, որից հետո նախագահողը կիրառեց կարգապահական միջոց՝ պահանջեց լքել դահլիճը մինչև օրվա ավարտը։ Պատգամավորը հայտարարեց, որ կհեռանա, «երբ ուզի»։ Կանոնակարգի համաձայն՝ նման իրավիճակում նախագահողը պարտավոր է անվտանգության աշխատակիցներին հրավիրել խախտողին հեռացնելու համար։ Բայց հենց որ անվտանգության աշխատակիցները ներս մտան, պատգամավորը ինքն արտահայտեց դուրս գալու պատրաստակամություն, և ես խնդրեցի աշխատակիցներին չմոտենալ։ Բոլոր գործողությունները կատարվել են կոռեկտ և խստորեն օրենքի սահմաններում»,- հայտարարեց Վահագն Ալեքսանյանը։
Նարեկ Կիրակոսյան
