05.11.2026 | 10:37
Աշտարակ համայնքին է վերադարձվել շուրջ 1,2 մլրդ դրամ արժողությամբ 33,7 հա հողատարածք
Խմբակցության նիստ ունեինք, հետ վերադարձանք. «Ուժեղ Հայաստան» խմբակցության քարտուղար․ ՏԵՍԱՆՅՈՒԹ
Քաղաքականություն
19.08.2026 | 18:29
ԱԺ հանձնաժողովների նախագահների ընտրություններին մասնակցելու ենք, ինչ վերաբերում է մեր կողմից դահլիճը լքելուն, պատճառն այն էր, որ նիստը վարողը փաստացի նիստը վարելու փոխարեն շատ հաճախ զբաղված է լինում մեկնաբանելով ընդդիմադիրների ելույթները։ Այս մասին լրագրողների հետ զրույցում նշեց ԱԺ «Ուժեղ Հայաստան» խմբակցության պատգամավոր Տիգրան Աբրահամյանը՝ մեկնաբանելով ԱԺ դահլիճում տեղի ունեցած միջադեպը, որի արդյունքում ԱԺ փոխխոսնակ Վահագն Ալեքսանյանի կարգադրությամբ, անվտանգության աշխատակիցները մտան դահլիճ, որպեսզի դուրս բերեն Դավիթ Ղազինյանին։
Հարցին՝ ամեն միջադեպից հետո խմբակցությունը լքելո՞ւ է ԱԺ շենքը, ընդդիմադիր պատգամավորն ասաց. «Ըստ իրավիճակի որոշում ենք կայացնելու։ Այս դեպքում, հաշվի առնելով, որ կոպտորեն կանոնակարգի խախտում տեղի ունեցավ, որոշում կայացվեց լքել նիստերի դահլիճը։ Դավիթ Ղազինյանին խնդրեցին լքել դահլիճը, ինչը կանոնակարգի խախտում էր, դրան մենք ավելի ուշ ավելի մանրամասն կանդրադառնանք»։
Մանրամասները` տեսանյութում։
Նարեկ Կիրակոսյան
