22.10.2026 | 23:31
Ուսանողական վիզայի պայմանների խախտումը կարող է զրկել ապագայում ԱՄՆ վիզա ստանալու իրավունքից
Դեյան Ստանկովիչը հեռացել է «Ցրվենա Զվեզդայի» գլխավոր մարզիչի պաշտոնից
12.08.2026 | 10:50
Սերբիայի չեմպիոն «Ցրվենա Զվեզդայի» գլխավոր մարզիչ Դեյան Ստանկովիչը հրաժարական է տվել Չեմպիոնների լիգայի որակավորման երրորդ փուլի պատասխան խաղում իսրայելական «Հապոելի Բեր Շևայից» կրած 0:2 հաշվով տնային պարտությունից ու գլխավոր եվրագավաթից դուրս մնալուց հետո, հաղորդում է Sportal.rs-ը:
Հայաստանի ազգային հավաքականի եզրային պաշտպան Նաիր Թիկնիզյանը դաշտի տերերի մեկնարկային կազմում է եղել ու փոխարինվել է 80-րդ րոպեին: 57-րդ րոպեին Դեյան Ստանկովիչը ստացել է կարմիր քարտ:
Առաջին խաղում ևս «Ցրվենա Զվեզդան» պարտվել էր (0:1) ու պայքարը կշարունակի Եվրոպա լիգայի որակավորման փլեյ-օֆֆում:
47-ամյա Դեյան Ստանկովիչը 2025 թվականի դեկտեմբերին էր գլխավորել «Ցրվենա Զվեզդան»: Սերբ անվանի ֆուտբոլիստի գլխավորությամբ Բելգրադի թիմն անցկացրել է 32 հանդիպում, տարել 24 հաղթանակ, կրել 5 պարտություն ու գրանցել 3 ոչ-ոքի:
