05.10.2026 | 10:44
Ռուսական հարձակման հետևանքով Խարկովում մեկ մարդ է զոհվել․ վնասվել են Օդեսայի մարզի նավահանգստային ենթակառուցվածքները
Դատարանը մերժել է Ռոբերտ Քոչարյանի հայցադիմումն ընդդեմ Նիկոլ Փաշինյանի․ Քոչարյանը նրան նաև 200 հազար դրամ փաստաբանի վարձատրության գումար պետք է վճարի
Հասարակություն
31.07.2026 | 11:41
Դատարանը մերժել է Հայաստանի Հանրապետության երկրորդ նախագահ Ռոբերտ Քոչարյանի հայցադիմումն ընդդեմ վարչապետ Նիկոլ Փաշինյանի։ Այս մասին տեղեկանում ենք «Դատալեքս» դատական-տեղեկատվական համակարգից։
Նշենք, որ Ռոբերտ Քոչարյանը դատարան ներկայացված հայցադիմումով պահանջում էր Նիկոլ Փաշինյանին պարտավորեցնել հերքել «Ֆեյսբուք» սոցիալական ցանցի էջում 2025 թվականի հունիսի 5-ին արված հրապարակումը։ Փաշինյանն այդ օրն իր էջում գրել էր․ «Դատարանի որոշմամբ արձանագրված է՝ Ռոբերտ Քոչարյանը կաշառակեր է»։ Քոչարյանը դատարան ներկայացված հայցադիմումով պահանջում էր, որպեսզի Փաշինյանը հրապարակի հետևյալ տեսքտը․
«Նախկինում իմ կողմից Կառավարության նիստի ընթացքում հնչել են կեղծ, սուտ, ակնհայտ անհիմն արտահայտություններ, որոնք զրպարտել են ՀՀ պաշտոնաթող նախագահ Ռոբերտ Քոչարյանին: Ներկայումս ցանկանում եմ հայտնել, որ Ռոբերտ Քոչարյանի վերաբերյալ հայտնածս տեղեկատվությունը իրականության հետ որևէ առնչություն չունի և հանդիսացել է զրպարտության արդյունք»։
Բացի այդ, պահանջում էր Նիկոլ Փաշինյանից հօգուտ Ռոբերտ Քոչարյանի բռնագանձել 6.000.000 ՀՀ դրամ որպես հասցված ոչ նյութական վնասի հատուցում:
Դատարանը, սակայն, ոչ միայն մերժել է հայցադիմումը, այլ նաև Քոչարյանին պարտավորեցրել որպես փաստաբանի խելամիտ վարձատրության գումար Նիկոլ Փաշինյանին վճարել 200 000 դրամ։
Արաքս Մամուլյան
