05.09.2026 | 16:58
Վանաձորում, Ալավերդիում և Հրազդանում օդում փոշու պարունակությունը գերազանցել է թույլատրելի սահմանը
Տրվել է դեղի հետկանչի կարգադրագիր
29.07.2026 | 22:58
Առողջապահական և աշխատանքի տեսչական մարմինը «ԹԵՈՖԱՐՄԱ ԻՄՊՈՐՏ» ՍՊ ընկերությանը հուլիսի 28-ին տրամադրել է «Գենսուլին Ռ 100ՄՄ/մլ» լուծույթ ներարկման (ապակե սրվակ՝ 10 մլ, արտադրող՝ «Բիոտոն Ս.Ա») 50C2607A սերիայի շրջանառության դադարեցման և հետկանչի կարգադրագիր։
Տեսչական մարմնի տեղեկացմամբ՝ կարգադրագրի հիմք է հանդիսացել «Դեղերի և բժշկական տեխնոլոգիաների փորձագիտական կենտրոն» ՊՈԱԿ-ի հուլիսի 27-ին ստացված գրությունը և կից փորձաքննության եզրակացությունը։
Ըստ եզրակացության՝ դեղի նշված սերիայում հայտնաբերվել է հետկանչի ենթակա երկրորդ դասի թերություն. տեսողական ստուգման ընթացքում սրվակի ներքին մակերեսին հայտնաբերվել է 0.1-1 մմ չափսերով մասնիկ, որը կպած է եղել ապակե սրվակին։ Այդ պատճառով 50C2607A սերիան ենթակա է շրջանառության դադարեցման և հետկանչի։
Առողջապահական և աշխատանքի տեսչական մարմինը քաղաքացիներին կոչ է անում ուշադիր լինել և չօգտագործել «Գենսուլին Ռ 100ՄՄ/մլ» դեղի 50C2607A սերիայի արտադրանքը։
