21.10.2026 | 23:30
Էրդողանն ու Ալիևը հեռախոսազրույց են ունեցել՝ Բաքվի կողմից Անկարայի նկատմամբ կոշտ քայլերի ֆոնին
Ուկրաինական ԱԹՍ-ները հարձակվել են Վորոնեժում Wildberries-ի պահեստի և Ուլյանովսկում վառելիքաէներգետիկ համալիրի վրա
Քաղաքականություն
23.07.2026 | 11:52
Ուկրաինական անօդաչու թռչող սարքերը հարձակվել են Ուլյանովսկի մարզի Նովոսպասսկի շրջանում գտնվող վառելիքաէներգետիկ համալիրի օբյեկտի վրա: Այս մասին հայտնել է տարածաշրջանի ղեկավար Ալեքսեյ Ռուսկիխը, գրում է Meduza-ն:
Այնտեղ հրդեհ է բռնկվել։ Նահանգապետը որևէ մանրամասն չի հայտնել։
Ուկրաինական Exilenova+ տելեգրամ ալիքը պնդում է, որ հարձակման է ենթարկվել Նովոսպասսկի գյուղում գտնվող «НС-Ойл» հեղուկ բնական գազի բազան։
Նահանգապետ Ալեքսանդր Գուսևի խոսքով՝ Վորոնեժի մարզում անօդաչու թռչող սարքերն ամբողջ գիշեր հարձակվել են քաղաքացիական թիրախների վրա։ Նա ասել է, որ կան տուժածներ և «լուրջ հետևանքներ»։
Գուսևն ավելի ուշ պարզաբանել է, որ Վորոնեժի և շրջանի վրա խոցվել է 36 անօդաչու թռչող սարք: Վորոնեժի մոտ անօդաչուի անկման հետևանքով մասնավոր տանը հրդեհ է բռնկվել։ Պատահարի հետևանքով երեք տարեկան տղա է զոհվել, նրա ծնողները վիրավորվել են: Նույն շրջանում թեթև վնասվածքներ է ստացել 19-ամյա երիտասարդ։
Նահանգապետի խոսքով՝ անօդաչու թռչող սարքերի հարձակման հետևանքով վնասել է մարկետփլեյսներից մեկի շենքի տանիքը և նմանատիպ մեկ այլ շենքի ճակատային մասը։ Գուսևը չի նշել, թե որ մարկետփլեյսի մասին է խոսքը։ Տեղի բնակիչները, սակայն, հայտնել են Wildberries լոգիստիկ կենտրոնի վրա հարձակման մասին։
Բռնակցված Ղրիմի ղեկավար Սերգեյ Աքսյոնովը հայտնել է, որ Ուկրաինայի զինված ուժերի հարձակման հետևանքով զոհվել է մեկ քաղաքացիական անձ, ևս չորսը վիրավորվել են, այդ թվում՝ երկու երեխա։
Ռուսաստանի պաշտպանության նախարարությունը հայտնել է, որ գիշերը 17 շրջանների, բռնակցված Ղրիմի և Ազովի ծովի վրա խոցվել է ուկրաինական 223 անօդաչու թռչող սարք։
Թարգմանությունը՝ Էմմա Չոբանյանի
