06.11.2026 | 23:24
Նոյեմբերի 7-ին ՊԵԿ էլեկտրոնային համակարգերը երկու ժամով անհասանելի կլինեն
Դավիթ Ղազինյանի և մյուսների գործով հուլիսի 24-ին դատական նիստ է նշանակվել
Հասարակություն
22.07.2026 | 20:07
«Ուժեղ Հայաստան» կուսակցությունների դաշինքով պատգամավոր ընտրված Դավիթ Ղազինյանի և մյուսների գործով հուլիսի 24-ին դատական նիստ է նշանակվել։ Այս մասին Factor TV-ին հայտնեցին Հակակոռուպցիոն դատարանից։
Նշենք, որ Դավիթ Ղազինյանը ենթադրյալ ընտրակաշառքի մեղադրանքով կալանքի տակ է։
Այսօր Կենտրոնական ընտրական հանձնաժողովի դիմաց լրագրողների հետ զրույցում «Ուժեղ Հայաստան» կուսակցությունների դաշինքով պատգամավոր դարձած Արամ Վարդևանյանն ասաց՝ միջնորդություն են ներկայացրել Ղազինյանի խափանման միջոցն անհապաղ վերացնելու վերաբերյալ, քանի որ, ըստ Վարդևանյանի, պատգամավորի կարգավիճակ ունեցող Ղազինյանը չի կարող կալանքի տակ գտնվել։
Նշենք, որ ըստ մեղադրանքի՝ Դավիթ Ղազինյանը, հանդիսանալով «Ուժեղ Հայաստան» կուսակցությունների դաշինքի պատգամավորի թեկնածու, հանդես գալով նշված դաշինքի անունից, 2026 թվականի հունիսի 7-ին նշանակված 9-րդ գումարման Ազգային ժողովի հերթական ընտրությանը մասնակցելու, «Ուժեղ Հայաստան»-ի օգտին քվեարկելու պայմանով նախապատրաստել է հիշյալ կուսակցության անունից հանդես եկող և «Ուժեղ Հայաստան» դաշինքի Երևան քաղաքի Վ.Փափազյան փողոց 29 շենք 73 հասցեում գտնվող գրասենյակի աշխատանքը փաստացի համակարգող Արսեն Ստեփանի Մելիքյանի, նույն դաշինքի համակիր Արման Էդուարդի Սարգսյանի և դեռևս չպարզված այլ անձանց հետ նախնական համաձայնությամբ խմբի կազմում տալ ընտրակաշառք:
Արաքս Մամուլյան
