21.07.2026 | 20:09
Բաքվի վերաքննիչ դատարանում հայ գերիների գործով նիստում ելույթ են ունեցել դատախազները
Դատավոր Կարեն Ֆարխոյանը կարգապահական պատասխանատվության է ենթարկվել
Հասարակություն
21.07.2026 | 16:35
Երևանի քրեական դատարանի դատավոր Կարեն Ֆարխոյանը կարգապահական պատասխանատվության է ենթարկվել: Բարձրագույն դատական խորհուրդն այսօր հրապարակած որոշմամբ դատավորին նախազգուշացում տույժի է ենթարկել՝ դատական ակտ ուշացնելու համար:
Նշենք, որ Ֆարխոյանին կարգապահական պատասխանատվության ենթարկելու հարցով ԲԴԽ էր դիմել արդարադատության նախարարը:
Ֆարխոյանի վարույթում ներկայում բազմաթիվ հնչեղ գործեր են քննվում, որոնց թվում է ՀՀ երկրորդ նախագահ Ռոբերտ Քեչարյանի որդի, Ազգային ժողովի «Հայաստան» խմբակցության պատգամավոր Լևոն Քոչարյանի գործը:
Ֆարխոյանի վարույթում են նաև 25 տարի առաջ «Առագաստ» սրճարանում «պրիվետ Ռոբ» արտահայտության համար ծագած վիճաբանության հետևանքով Պողոս Պողոսյանի սպանության, ԱԺ պատգամավոր Խաչատուր Սուքիասյանի եղբոր՝ Ռոբերտ Սուքիասյանի՝ Նուբարաշենի խճուղում տեղի ունեցած սպանության և մի շարք այլ գործեր:
Արաքս Մամուլյան
