28.09.2026 | 00:15
ՔՊ, 95.1%. Սուրեն Թումանյանը վերընտրվեց Թումանյանի համայնքապետի պաշտոնում. Լոռու մարզպետ
Թրամփը 50 տոկոս մաքսատուրք է սահմանել Կանադայից ներմուծվող որոշ ապրանքների համար
Քաղաքականություն
21.07.2026 | 12:53
ԱՄՆ նախագահ Դոնալդ Թրամփը ստորագրել է երեք հրամանագիր, որոնցով 50% մաքսատուրք է սահմանվում կանադական ապրանքների լայն տեսականու համար՝ գինուց և հոկեյի փայտիկներից մինչև ցեմենտ, շինանյութեր և էլեկտրական սարքավորումներ։ Այս մասին ասվում է Սպիտակ տան հայտարարության մեջ, գրում է Current time-ը։
«Այսպիսով, նախագահ Թրամփը փոխհատուցում է ամերիկյան առևտրի նկատմամբ Կանադայի խտրական վերաբերմունքի պատճառով առաջացած բեռն ու հավասարեցնում մրցակցային դաշտը ամերիկյան հիմնական արտահանման՝ ավտոմեքենաների, ալկոհոլի և կաթնամթերքի համար»,- ասվում է Սպիտակ տան հայտարարության մեջ։
Մաքսատուրքերն ուժի մեջ կմտնեն 30 օրից՝ օգոստոսի 19-ին, և կազդեն շուրջ 20 միլիարդ դոլարի ներմուծման վրա։
Սպիտակ տունը հայտարարել է, որ Կանադան տուրքեր և քվոտաներ է սահմանում ԱՄՆ-ից, սակայն ոչ այլ երկրներից ավտոմեքենաների ներմուծման համար։ Արդյունքում, ամերիկյան ավտոմեքենաների կանադական ներմուծումը 2025 թվականի ապրիլից մինչև 2026-ի մարտը նվազել է շուրջ 22%-ով։
Սպիտակ տունը պնդում է, թե Կանադայի գրեթե բոլոր նահանգներն ու տարածքները, բացառությամբ՝ երկուսի, դադարեցրել են ամերիկյան ալկոհոլի գնումն ու վաճառքը։ Թրամփի վարչակազմի հաղորդմամբ՝ Կանադան ավելի խիստ քվոտաներ ունի ամերիկյան պանրի համար, քան եվրոպականի, չնայած և՛ ԱՄՆ-ի, և՛ ԵՄ-ի հետ առևտրային համաձայնագրեր ունի։
Թարգմանությունը՝ Էմմա Չոբանյանի
