27.09.2026 | 22:23
Համաշխարհային օլիմպիադա. Հայաստանի հավաքականները երրորդն են A խմբում. ԼՈՒՍԱՆԿԱՐՆԵՐ
Հայտնի է «Արարատ-Արմենիայի» հավանական մրցակիցը Չեմպիոնների լիգայի որակավորման երրորդ փուլում
20.07.2026 | 15:15
Շվեյցարիայի Նիոն քաղաքում տեղի է ունեցել Չեմպիոնների լիգայի որակավորման երրորդ փուլի վիճակահանությունը։
Հայաստանի չեմպիոն «Արարատ-Արմենիան» իռլանդական «Շեմրոք Ռովերսի» արգելքը հաղթահարելու դեպքում որակավորման երրորդ փուլում կմրցի «Էգնատիա» (Ալբանիա) – «Ցելյե» (Սլովենիա) զույգի հաղթողի հետ։
Չեմպիոնների լիգայի որակավորման երրորդ փուլի առաջին հանդիպումները նախատեսված են օգոստոսի 4-ին և 5-ին, պատասխան խաղերը՝ մեկ շաբաթ անց։
Հիշեցնենք, որ Չեմպիոնների լիգայի որակավորման առաջին փուլում «Արարատ-Արմենիան» պայքարից դուրս էր թողել Լատվիայի չեմպիոն «Ռիգային» (2:0, 2:3): «Շեմրոք Ռովերսի» դեմ առաջին խաղը կկայանա հուլիսի 21-ին Երևանի «Հանրապետական» ստադիոնում, իսկ պատասխան հանդիպումը՝ հուլիսի 28-ին Իռլանդիայի մայրաքաղաք Դուբլինում։
