Զելենսկին Ուկրաինայի Անվտանգության ծառայության ղեկավար Եվգենի Խմարային հանձնարարել է կատարել ՊՆ ղեկավարի պարտականությունները

Լուրեր

22.11.2026 | 21:17
Հայաստանի էներգահամակարգը հարևան մյուս երկու երկրների համակարգերին ինտեգրելը ՀԷՑ-ի հետ կապելը մանիպուլյացիա է․ Ռոմանոս Պետրոսյան
22.11.2026 | 21:01
Փակ և դժվարանցանելի ճանապարհներ Հայաստանում․ Փրկարար ծառայությունը տեղեկացնում է
22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
«Պալաչ» մականունով հայտնի Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
22.11.2026 | 14:29
Նոյեմբերի 22-ին Գորիսի մի շարք հասցեներում ջուր չի լինի
Բոլորը

Ուկրաինայի նախագահ Վլադիմիր Զելենսկին հայտարարել է, որ հանդիպել է երկրի Անվտանգության ծառայության ղեկավարի պաշտոնակատար, «A» հատուկ գործողությունների կենտրոնի ղեկավար Եվգենի Խմարայի հետ և նրան հանձնարարել է  կատարել պաշտպանության նախարարի պարտականությունները, գրում է BBC-ի ռուսական ծառայությունը։

«Հենց նոր Եվգենի Խմարայի հետ քննարկեցի Ռուսաստանի դեմ մեր հեռահար գործողությունների անցկացման և Ուկրաինայի անվտանգության ստորաբաժանումներն ու պաշտպանության ուժերն անհրաժեշտ ռեսուրսներով ապահովելու հարցերը։ Կարևոր է, որ գոյություն ունենա ռազմավարական տեսլական այն մասին, թե ինչպես պետք է Ուկրաինան շարունակի ակտիվորեն միջոցներ ձեռնարկել՝ մեր անկախությունը պաշտպանելու և Ռուսաստանին դիվանագիտության  ստիպելու համար։ Եվգենի Խմարան ձեռք է բերել տեխնոլոգիական հարվածային գործողություններ իրականացնելու լայնածավալ, շատ առումներով աննախադեպ փորձ։ Հենց սա է, ինչի վրա պետք է կենտրոնանա մեր պաշտպանությունն այս պատերազմում»,- գրել է նա սոցիալական ցանցերում։

Զելենսկին հավելել է, որ Խմարային հանձնարարել է կատարել ՊՆ ղեկավարի պարտականությունները, շարունակել պաշտպանության բարեփոխումները և ապահովել, որ Ուկրաինան հասնի քննարկված բոլոր արդյունքներին։

«Անհրաժեշտ իրավական ընթացակարգերն ավարտվելուց հետո ես կխնդրեմ խորհրդարանականներին աջակցել Եվգենի Խմարայի թեկնածությանը Ուկրաինայի պաշտպանության նախարարի պաշտոնում»,- հավելել է Զելենսկին։

Հինգշաբթի Գերագույն ռադան հաստատել էր Սերգեյ Կորեցկիի գլխավորած նախարարների նոր կաբինետը, սակայն չէր նշանակել պաշտպանության և արտաքին գործերի նախարարներին. նրանց թեկնածությունները խորհրդարան է ներկայացնում նախագահը։

Դրանից հետո Ռադայի խոսնակ Ռուսլան Ստեֆանչուկն ընդմիջում էր հայտարարել։ Զելենսկին օրվա ընթացքում հայտարարել էր, որ դեռևս չի հաստատել պաշտպանության նախարարի իր թեկնածուին։

Այս ամենը տեղի է ունեցել նախկին պաշտպանության նախարար Միխայիլ Ֆեդորովի և Ուկրաինայի զինված ուժերի գերագույն հրամանատար Ալեքսանդր Սիրսկիի միջև բաց հակամարտության ֆոնին։

BBC-ի ուկրաինական ծառայությունը նշում է, որ գեներալ-մայոր Եվգենի Խմարան հունվարից ի վեր Ուկրաինայի անվտանգության ծառայության ղեկավարի պաշտոնակատարն է։ Այս ընթացքում նախագահը դեռևս չի առաջադրել նրան ծառայության լիարժեք ղեկավարի պաշտոնում։

Ավելին, անհասկանալի է, թե ինչպես կարող է Խմարան ղեկավարել Պաշտպանության նախարարությունը նույնիսկ որպես  պաշտոնակատար։ Դա անելու համար կառավարությունը նախ պետք է նրան նշանակի փոխնախարար և լիազորի ժամանակավորապես ղեկավարել գերատեսչությունը։

Թարգմանությունը՝ Էմմա Չոբանյանի