07.08.2026 | 11:07
Հրաձգություն Թաիլանդի դպրոցներից մեկում․ 7 մարդ զոհվել է, տասնյակ վիրավորներ կան
ԿԼ. «Ալաշկերտը» վերջին վայրկյաններին փրկվեց պարտությունից ու հաղթեց հետխաղային 11-մետրանոցներով․ ՏԵՍԱՆՅՈՒԹ
16.07.2026 | 21:58
Երևանի «Ալաշկերտը» դրամատիկ հաղթանակով դուրս եկավ Կոնֆերենցիաների լիգայի որակավորման երկրորդ փուլ։
Որակավորման առաջին փուլի պատասխան խաղում Վահե Գևորգյանի գլխավորած թիմը հյուրընկալվելիս հետխաղային 11-մետրանոցներով հաղթեց ղազախական «Ելիմային»։
Ղազախստանի Սեմեյ քաղաքի «Սպարտակ» մարզադաշտում կայացած խաղի հիմնական ժամանակն ավարտվեց 1:1 հաշվով, իսկ թիմերը մեկական գոլ խփեցին նաև լրացուցիչ ժամանակում։ Երևանյան ակումբը հաշիվը 2:2 դարձրեց վերջին վայրկյաններին։
Հետխաղային 11-մետրանոց հարվածաշարում հյուրերը հաղթեցին 6:5 հաշվով։ Հարվածաշարի ժամանակ «Ալաշկերտից» միակ վրիպումը թույլ տվեց դարպասապահ Արսեն Բեգլարյանը, որը քիչ անց նաև հաղթական սեյվ կատարեց։
Երևանում կայացած առաջին խաղում գրանցվել էր 1։1 հաշիվը։
Կոնֆերենցիաների լիգայի որակավորման երկրորդ փուլում «Ալաշկերտը» կմրցի ռումինական «Կլուժի» հետ։
Կոնֆերենցիաների լիգա, որակավորման առաջին փուլ, պատասխան հանդիպում
«Ելիմայ» (Ղազախստան) – «Ալաշկերտ» (Հայաստան)՝ 2:2 (11-մետրանոցներով` 5:6) (առաջին հանդիպում՝ 1։1)
Ամկալ Բախտիյարով, 11, Հրվոյե Իլիչ, 96 – Մոմո Տուրե, 4, Դաուդա Տոգոլա, 120+1
