07.08.2026 | 11:50
Արինա Սաբալենկան հարդի վրա լավագույն արդյունքն է գրանցել վերջին 10 տարում. ՏԵՍԱՆՅՈՒԹ
Բուլղարիան հայտարարել է Ուկրաինային աջակցող «կամավորների կոալիցիայից» դուրս գալու մասին
Քաղաքականություն
14.07.2026 | 19:09
Բուլղարիան այլևս չի մասնակցի «կամավորների կոալիցիային», որում ներառված են Ուկրաինային Ռուսաստանի դեմ պատերազմում աջակցող երկրները, գրում է Meduza-ն՝ հղում անելով Bloomberg-ին։
«Մենք չենք մասնակցում կոալիցիային, որը պնդում է Ուկրաինային ֆինանսական և ռազմական օգնությունը շարունակելու հարցում։ Այս հակամարտության լուծումը ոչ թե ռազմական ճանապարհով դրա երկարաձգման մեջ է, այլ ուժեղ դիվանագիտական առաքելության, որը վերջապես վերջ կդնի էսկալացիային»,- հայտարարել է Բուլղարիայի վարչապետ Ռումեն Ռադևը:
Bloomberg-ը նշում է, որ Ռադևը մշտապես դեմ է եղել Ուկրաինային տրամադրվող ֆինանսական օգնությանը և իրեն անվանում է Ռուսաստանի հետ հարաբերություններում «պրագմատիկ մոտեցման» կողմնակից։
Բուլղարիայի ներկայացուցիչները չեն մասնակցել «կամավորների կոալիցիայի» պետությունների ղեկավարների հանդիպմանը, որը տեղի է ունեցել Փարիզում հուլիսի 13-ին, չնայած մասնակցել էին նախորդ գագաթնաժողովներին։
Մեծ Բրիտանիայի և Ֆրանսիայի կառավարությունները «կամավորների կոալիցիայի» ստեղծման մասին հայտրարել են 2025 թվականի գարնանը։ Այն ներառում է մոտավորապես 30 երկիր, այդ թվում՝ ԵՄ անդամ պետությունները, ԱՄՆ-ը, Ավստրալիան և Ճապոնիան։
Թարգմանությունը՝ Էմմա Չոբանյանի
