28.09.2026 | 17:10
Նեթանյահուն հրահանգել է Էրդողանի դեմ հայց պատրաստել՝ Միջազգային քրեական դատարան ուղարկելու համար
Վրաստանի ընդդիմությունը չի ընդունում պարտությունը և պահանջում է արտահերթ խորհրդարանական ընտրություններ
Քաղաքականություն
30.11.2018 | 11:20
Միավորված ընդդիմությունը Վրաստանի նախագահական ընտրությունների արդյունքները չի ընդունում և պահանջում է արտահերթ խորհրդարանական ընտրություններ տեղեկացնում է .aliq.ge-ն:
Այս մասին Թբիլիսիի ֆիլհարմոնիայի դահլիճում տեղի ունեցած հանդիպմանը հայտարարել է միավորված ընդդիմության նախագահի արդեն նախկին թեկնածու Գրիգոլ Վաշաձեն:
«Մենք Վրաստանում նախագահական ընտրություններ չենք ունեցել: Տեղի ունեցածը կրիմինալի ահաբեկչության պայմաններում ֆարս էր: Մենք այս ընտրությունների արդյունքները չենք ընդունում: Վրաստանը նախագահ չունի: Միավորված ընդդիմությունը պահանջում է արտահերթ խորհրդարանական ընտրություններ»,- հայտարարել է Վաշաձեն:
Ընդդիմությունը պահանջում է ընտրություններ անցկացնել համամասնական կամ համամասնական-շրջանային սկզբունքով: Այս պահանջով ընդդիմությունը նախատեսում է բողոքի խաղաղ ցույց անցկացնել Թբիլիսիի կենտրոնական Ռուսթավելի պողոտայում դեկտեմբերի 2-ին, կիրակի օրը, ժամը 15:00-ին:
